Bost familia berehalako etxegabetze arriskuan daude Gasteizen
Etxebizitza Sindikatuak ohartarazi duenez, Herrandarren kaleko 15. zenbakian bizi diren bost familia —20 pertsona inguru— datozen egunetan etxegabetuak izateko arriskuan daude. "Etxegabetzeen aurka, langile kontrola" aldarrikatu du sindikatuak.
Azken sei hilabeteetan zehar, Herrandarren kaleko 15. zenbakian okupatutako etxebizitza blokeak aterpe gisa balio izan du “beste aukerarik ez zuten pertsona askorentzat”, Etxebizitza Sindikatuak astelehen honetan egindako agerraldian gogorarazi duenez.
Izan ere, 10 urte baino gehiago inolako erabilerarik gabe izandako eraikin horretan 20 pertsona inguru bizi dira gaur egun. Bertan “antolakuntzaren bidez etxeak konpontzeaz gain, elkartasunean oinarritutako elkarbizitza eraiki” dutela azaldu dute.
Blokean dauden bost etxebizitzetako bi “berehala” kaleratuko dituzte, eta Simon Bolivar plazan egindako prentsaurreko baten bitartez jakinarazi dute. Gainera, azaldu dutenez, “etxegabetze express” prozeduraren lehen kasuetako bat litzateke hau Gasteizen, eta formula juridiko horren arabera, etxegabetuko dituzten bizilagunek ez dute helegiterik aurkezteko aukera.
Etxegabetzea edozein momentutan
“Ez dute defentsarik; ez dago abokaturik ezta epaiketarik ere”, azaldu du Etxebizitza Sindikatuak; gainera, bost egunetan etxeko titularitatea egiaztatzera behartuta daude. “Jokaldi horren bidez, jabeek erabili gabe dituzten espazioak unean bertan berreskuratzen dituzte, horrek bost familia kale gorrian uztea dakarren arren”, ohartarazi dute.
Une honetan ez dago kaleratzea gauzatzeko data zehatzik, baina “edozein momentutan” heldu daiteke. Hala ere, sindikatuak nabarmendu du jabeekin harremanetan jarri direla, “familien zaurgarritasun egoera jakinarazteko eta negoziazio irtenbideak proposatzeko”: besteak beste, alokairu sozial bat edo erabiltzeko lagapena lortzeko aukera jarri dute mahai gainean.
“Bi aldeentzat, jabeentzat zein auzokideentzat, onuragarriak izan daitezkeen irtenbide legalak” bilatu nahi dituzte, baina jabeek ez dute negoziaziorik onartu. “Haien mezua argia izan da: kalera”, deitoratu dute Etxebizitza Sindikatuko kideek.
Halaber, zerbitzu sozialekin ere harremanetan jarri dira, adingabeak dituzten familiak —haien artean jaioberri bat— kaleratze arriskuan daudela jakinarazteko.
“Alternatibarik gabe, kaleratzerik ez”
Sindikatuak dioenez, egunerokotasunean frogatu ahal izan dute aterperako larrialdi zerbitzuak “guztiz saturatuta” daudela, eta asko dira kale gorrian lo egitera behartuta dauden pertsonak: “Edozein momentutan ia 20 pertsona kale gorrian geratuko dira, inongo bizileku alternatibarik gabe”.
“Guretzat argi dago zein den konponbidea: alternatibarik gabe, ez dago kaleratzerik”, azpimarratu dute. “Udalak kalitatezko eta iraunkorra den aterpe alternatiba bat eskaintzen ez duen bitartean, ez dauka inolako zentzurik kaleratzeak aurrera eramatea; horren emaitza bakarra etxe huts gehiago egotea eta etxerik gabeko jende gehiago egotea izango baita”, kritikatu du sindikatuak.
“Jabetza pribatua da zentzugabekeria hau birproduzitzen duena, eta instituzio burges orok defendatzen du”, dio Etxebizitza Sindikatuak. Horregatik, salaketa publikoa egiteaz gain, basakeria hori gainditzeko “proletargoaren antolakuntza independientea” aldarrikatu dute, “biziraute baliabide guztien gaineko kontrola eskuratuko duena”.
“Etxebizitzaren defentsa eta kontrol zuzeneko borroka prozesuak bideratzen ditugu, proletargoaren bizi baldintzak, partzialki behintzat, hobetzeko exijentzia zehatzak planteatuz. Kaleratzeen aurrean, langile kontrola. Ezer ez da ezinezkoa, dena antolatzen da”, aldarrikatu dute.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.