Bost euskal preso politiko Euskal Herriratu eta bi hurbildu dituzte
Unai Bilbao, Ibai Beobide, Igor Portu, Joanes Larretxea eta Andoni Goikoetxea Araba, Gipuzkoa, Nafarroa eta Bizkaiko espetxeetan dira. Mikel Azurmendi eta Manex Castro El Duesora lekualdatu dituzte.
Etxeratek jakinarazi ditu “azken egunetan” egin dituzten euskal preso politikoen lekualdaketak. Portugaleteko Unai Bilbao Solaetxe Darocako espetxetik Arabako Zaballakora mugitu dute; Bilboko Ibai Beobide Arza Burgosetik Basaurira; Lesakako Igor Portu Juanena Darocako espetxetik Iruñekora; Hernaniko Joanes Larretxea Mendiola Asturiaseko Villabona espetxetik Donostiako Martutenera; Gazteluko Andoni Goikoetxea Gabirondo El Duesoko espetxetik Martutenekora.
Halaber, beste bi preso lekualdatu dituzte Euskal Herritik hurbilago dauden espetxeetara. Beasaingo Mikel Azurmendi Peñagarikano Zaragozako Zuera espetxetik Kantabriako El Duesora espetxera lekualdatu dute; Villabonako Manex Castro Zabaleta Zaragozako Darocako espetxetik Kantabriako El Duesora.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.