Bizikleta martxa jendetsua egin dute Gaintxurizketara, txirrindularientzako segurtasuna eskatzeko

  • Mila lagun baino gehiago elkartu dira bizikleta martxan, Irunen urtarrilaren 8an auto batek jota hil zen Jon Rodriguez txirrindularia omentzeko, eta ziklistek errepideetan segurtasuna izan dezaten galdegin dute. Egun berean gidari bat atxilotu dute txirrindulari bat nahita harrapatzeagatik Hondarribian.


2022ko urtarrilaren 17an - 09:14
Azken eguneraketa: 10:16
Auto batek Jon Rodriguez txirrindularia hil zuen lekuan bizikleta zuri bat jarri zuten omenaldi gisa. (Argazkia: Urtzi Urkizu / Berria).

Segurtasuna Bizikletentzat lelopean bizikleta martxa deitu zuten urtarrilaren 15erako bizikleten aldeko Gipuzkoako zenbait elkartek eta txirrindulari taldek. Deialdia arrakastatsua izan da, Urtzi Urkizu Berriako kazetariak jakinarazi duenez mila lagun baino gehiago igo baitira bizikletaz Gaintxurizketara, urtarrilaren 8an bertan auto batek jota hil zen Jon Rodriguez ziklista omentzeko. Hondarribiko gizonak 43 urte zituen, eta hura oroitzeko txirrinda zuri bat jarri dute bide ertzean, hain zuzen, Irungo GI-636 errepideko bederatzigarren kilometroan, Errenteriaranzko norabidean.

Omenaldi ekitaldia izateaz gain, aldarrikapen unea ere izan da. Ehunka pertsonak eskari bera egin dute: neurriak har ditzatela txirrindularientzat errepideak seguruak izateko. Rodriguezena bezalako ezbehar gehiago egon ez daitezen eskatu dute eta gogorarazi Gaintxurizketa eremu arriskutsua dela ziklistentzat; hori aldatu beharra dagoela.

Beste ziklista bat ospitaleratuta

Larunbatean bertan beste ziklista bat harrapatu zuen furgoneta batek Hondarribiko Mendelu auzoan. Oraingoan, gidaria atxilotu dute, txirrindularia nahita harrapatu eta jarraian ihes egin izana egotzita. Berria egunkariak jaso duenez, Hondarribiko Udaltzaingoak jakinarazi du harrapaketaren aurretik eztabaida bat izan zutela txirrindulariak eta gidariak. 69 urteko ziklista ospitalera eraman behar izan zuten, buruan hartutako kolpearen ondorioz.


Kanal honetatik interesatuko zaizu: Istripuak
2023-06-02 | ARGIA
Cintruenigon sutea piztu eta hodei toxikoa zabaltzen ari dela jakinarazi dute suhiltzaileek

Ostiral eguerdiko albistea: Cintruenigon sutea piztu da eraikuntzako materiala eta edukiontziak zeuden pabiloi batean eta hodei toxikoa zabaldu da inguruetan. Larrialdi zerbitzuek herritarrei dei egin diete etxeetan sartu, leihoak itxi eta ez ateratzeko.


"Gezurrak esatea izan zen Renfek eta Adifek egin zuten lehenengo gauza gure senideen heriotzen ostean"

Raul Fuentesek (Urduña) eta Gonzalo Faustmanek (Arrigorriaga) ama eta alaba galdu zituzten tren istripuetan Gardean eta Aretan. Orain borrokan ari dira egia argitu dadin eta ezbeharrak ekiditeko neurriak har ditzaten.


2021-11-18 | ARGIA
Behobia-Donostiaren antolatzaileek ez dute El periódico de Aragon-ek plazaraturiko lasterkariaren heriotzaren berririk

Aragoiko egunkariak jakitera eman du Taustekoa (Aragoi) den 27 urteko lasterkari bat zendu dela aurtengo edizioan. Ategorrieta parean konortea galdu zuen eta Gurutze Gorriaren Kanpainako Ospitalean artatu ondoren, Donostia Ospitaleko ZIUra eraman zuten. Informazioa ez diote... [+]


2021-10-18 | ARGIA
Langile bat hil da Donostiako taberna batean piztutako sutean

Igandez, urriaren 17an, sua piztu zen Donostiako Gros auzoko Gure Txoko tabernan. Suhiltzaileek bertako langilea oso larri aurkitu zuten biltegian eta larrialdietako zerbitzuetakoak kanpoan suspertzen saiatu baziren ere bertan hil zen.


Eguneraketa berriak daude