Biltzar Konstituziogilea osatzeko akordioa lortu dute alderdi independentistek CUPen arabera

  • Igandean eman du akordioaren berri alderdi antikapitalistak. Biltzarra parlamentuko diputatuez, udal ordezkariez eta herritarrek aukeratutako bestelako kargudunez osatuko litzateke.

Arg: EFE

2018ko urtarrilaren 29an - 12:38

Asteartean egingo da Kataluniako presidentea izendatzeko aurreneko saiakera. Azken asteotako eztabaida hautagaiaren inguruan zentratu bada ere, CUPek aspaldi ohartarazi zuen pertsonak baina garrantzitsuagoak direla programak eta beraz, pertsonez hitz egin baino, errepublika indarrean jartzeko bideak adostera dei egin zien eragile independentistei.

Azken asteotan etengabeak izan dira hiru zerrenden arteko elkarrizketak. Igandean alderdi antikapitalistak prozesu konstituziogilerako lorturiko akordioaren berri eman zuen. Biltzar Konstituziogilearen osaketa adostu dute JxCAT, ERC eta CUPek. Prozesu Konstituziogilea oinarritik egin nahi dute, hori gidatzeko ordea Biltzar Konstituziogilea osatuko dute. Biltzar horretan parte hartuko dute parlamentariek, udaletako ordezkariek eta bestelako kargudunek. Oraindik ez dute xehetasun gehiegi eman akordioaz.

Astelehen goizean izenpetu duten beste akordio bat ere publiko egin dute. Sexu bidez diskriminatzen dituzten eskolak finantzatzeari utziko dio Kataluniako Gobernuak. Akordio programatikoa, gai sozialen inguruan ematen ari dela adierazi du CUPek eta pixkanaka adostasunak eskuratzen ari direla gaineratu du. Horrelako gaietan En Comùko kideen babesa lortzen ahaleginduko dira antikapitalistak.


Kanal honetatik interesatuko zaizu: Katalunia independentziarantz
2024-06-12 | David Bou
Erbeste debekatua

Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]


“Ez dugu auzi justurik edukiko; gidoi hau lehendik idatzita zegoen”

Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]


Auziagatik, erbestean
AURRERAPENA | “Amnistia Legea finkatzen joan ahala, are gehiago indartu dute terrorismoaren akusazioa”

Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.

Aurrerapena da ondorengo... [+]


2024-05-30 | ARGIA
Amnistia Legea aurrera atera da Espainiako Kongresuan

Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.


Eguneraketa berriak daude