ARGIA.eus

2020ko azaroaren 25a

Bilboko Somera kalearen degradazioa salatu dute asteburuan

  • Bihotzean, Zazpi Kaleetako Auzo Elkarteak, eta S.O.S Somera elkarteak antolatuta, gaur egun kaleak pairatzen duen egoera salatu dute asteburuan.

Uriola.eus @uriolaeus
2020ko urriaren 27a
Albiste hau Uriola.eusek argitaratu du eta Creative Commons BY-SA 3.0 lizentziari esker ekarri dugu.
Somera kalean egindako auzo ekintza. (Uriola)

Somerako merkatariak, ostalariak eta auzotarrak bildu dira auzo elkarteak antolatutako salaketa-publikoan. Izan ere, haien esanetan, auzoak “urte parea daramatza pixkanaka degradatzen” eta hauen arabera, erakunde-publikoek ez dute irtenbide kolektibo bat bilatzeko ahalegina egin. Egoera ikusita beraz, haien artean antolatzea erabaki dute.

Halaber, zinegotziekin eta Bilboko alkatearekin batera hainbat bilera egin ondoren, Alde Zaharreko bizilagunak Bihotzean auzo elkartearekin batera antolatzen hasi dira: auzo-lanaz baliatuz kalea duintzeko alternatiba integralak eraiki nahi dituzte.

Horretarako, Somerako auzokideek talde-lanak sortuko dituzte auzoko bizilagun eta merkatari ezberdinekin udalari konponbide kolektibo bat proposatzeko. Gainera, hemendik aurrera auzoa berpizteko hainbat ekintza antolatuko dituzte, besteak beste, aisialdi proposamenak edota erosketetarako laguntzak. Modu horretan, auzoa berreiraiki nahi dute denon artean Somera kale “atsegin, lasai, erakargarri eta bizi” bat bihurtzeko.

Albiste hau Uriola.eusek argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Hirigintza  |  Pobrezia  |  Bilbo

Hirigintza kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude