Bilboko 1. barrutiko gune autogestionatuek manifestazioa deitu dute ostiralerako
Deustuko Gazte Lokala, Errondoko Auzo Etxea eta Bizinahi espazioetako kideak dira mobilizazioa deitu dutenak. ‘Auzogestioa. Gune askeetatik auzoa eraikiz’ lelopean, 19:00etan abiatuko dira Deustuko Gazte Lokaletik.
Ostiral honetarako mobilizazioa deitu dute Bilboko 1. barrutiko (Deustu, San Inazio, Ibarrekolanda, Elorrieta, Arangoiti, Deustuko Erribera...) hiru gune autogestionatuek. Mobilizazio bateratu hau duela hilabete hasitako dinamika batetik sortu dela azaldu dute: “Udal hauteskundeen koiunturan, gune autogestionatuak mehatxupean eta auzokideon aurkako hainbat proiektu martxan (Zorrotzaurre irla, Done Petri eta Levanteko plazen obrak...) dauden honetan, auzo eredu inposatuaren aurrean auzo gestioa aldarrikatzeko batu gara”.
Manifestazioaren ondoren, 21:30etan Errokondon, Pantx Records DJak eta pintxoak egongo direla aipatu dute. Ostean, Ibarrekolandako jaietara joateko deia egin dute.
Albiste hau Topatuk argitaratu dute. CC-BY-SA lizentziari esker ekarri dugu gurera.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]