ARGIA.eus

2021eko abenduaren 02a

Beranduegiren 100. eta azken saioa gaur

  • Beranduegi Web Telebistaren 100. eta azken saioa sareratuko du ARGIAk gaur. Saio berezia izango da eta albistegia ohikoa baino luzeagoa izango da.

ARGIA @argia
2013ko ekainaren 18a
'Aio pelaio' esango dute Beranduegiko kideek.

2011ko urtarrilean abiatu zuen web telebista saio hau ARGIAk, asteroko maiztasuna izango zuen produktua egin asmoz. Ikusentzunezkoek egungo komunikazioan duten garrantzia ikusita, gazteei zuzendutako saioa izan da gehienbat, eta horretarako umorea izan du ardatz nagusietako bat. Eduki serioek, dena den, beti izan dute leku Beranduegiko erreportaje eta elkarrizketetan.

Eskema hau jarraitu ohi dute saioek: Aktualitatearen errepaso ironikoa, astekariaren errepasoa, erreportajea, webguneari gainbegiratua, elkarrizketa eta amaierako bideoa. Bukaeran toma faltsuak ere izaten dira.

ARGIAren proiektuaren ardatz nagusiena astekaria izanik, hau telebista saio batekin uztartzea izan da erronketako bat. Sarean euskaraz bizi diren erabiltzaileei saio ezberdin bat eskaintzea izan da saioaren hasierako asmoa. Hemen azken saioa ikusgai.

Rikardo Arregi Kazetaritza saria eman zioten 2012an.

Aurrekaria, Hitzetik Hultzera

2006an hasi zen ARGIA multimedia lantzen webgunean. Bideo solteak egiten ziren, erreportaje edo elkarrizketak nagusiki. 2009ko udazkenean, Bertso Txapelketa Nagusia aitzakia hartuta, Agin Rezolak eta Estitxu Eizagirrek aurkeztuta,  Info7 eta Bertsoa.com-ekin elkarlanean Hitzetik Hultzera saioa egitea erabaki zen. 5 kapituluko web telebista izan zen (hemen ikusgai: 1, 2, 3, 4 eta 5. kapituluak), umorea eta txapelketan entzundakoak uztartzen zituena. Saioak izan zuen harrera ona ikusita, urtebete proiektu berria pentsatzen pasa ostean, asteartero emitituko zen web telebista abiatzea erabaki zen: Beranduegi.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: ARGIA

ARGIA kanaletik interesatuko zaizu...
2021-12-01 | ARGIA
ARGIA Durangoko azokan: ezer ez galtzeko gida azkarra

Durangoko Azoka gainean dugu, eta ARGIA berriz ere bertan izango da bere proiektu komunikatiboa ezagutarazi eta produktuak eskaintzen. Horrez gain, interneten ere eskuratu daitezke liburu, kamiseta, jolas eta bestelakoak, azokak irauten duen egunetan bidalketa gasturik gabe... [+]


2021-12-01 | Hala Bedi
Santi Cobos: "Txori urdina, kaiolan bai, baina txoria"
MULTIMEDIA - erreportajea

Santi Cobos presoaren bizitzaz eta espetxeaz, ARGIAko Zigor Olabarria kazetariak ondu duen Txori Urdinak liburua aurkeztu zuten azaroaren 27an Gasteizko Hala Bedi irratian.


2021-11-29 | ARGIA
Jaurlaritzaren diru banaketa hedabide batzuei
ARGIAko irakurleen erantzuna: “Amorrua”, “auzolotsa” eta babesa

Pandemiaren ondorioei aurre egiteko Eusko Jaurlaritzak hainbat hedabideri bost milioi euro eman dizkiela jakin eta gero, euskal hedabideen sektoreko eragileek kexa adierazi dute. ARGIAren irakurleen artean ere erantzun zabala izan du Lakuaren erabakiak: “Euskarak... [+]


2021-11-28 | Jon Torner Zabala
Zigor Olabarria Oleaga, 'Txori urdinak' liburuaren egilea
"Preso sozial eta politikoen arteko zubiei balioa ematen die Santi Cobosek"

Santi Cobos Fernándezek (Leon, Gaztela, 1968) 25 urte eman ditu preso, bere bizitzaren erdia. Erreformatorioa, adingabeentzako espetxea, adin nagusientzakoa. Urterik gehienak FIES preso bezala sailkatuta, muturreko isolamendu eta tratu txar baldintzetan. Bere bizipenak... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude