BBK Live jaialdiak inguruko auzoetan eragiten dituen arazoentzat irtenbidea eskatu dute auzotarrek

  • Agindutakoaren kontrara, Bilboko Udaleko Mugikortasun eta Jasangarritasun sailak arazoei konponbiderik ez diela eman jakinarazi du Altamirako ‘Guztientzat’ auzo elkarteak.

ARGIA @argia
2018ko uztailaren 11

Uztailaren 12tik 14ra egingo da hamabigarren BBK Live jaialdia, Bilboko Kobeta mendiko parkean. Makroekitaldiak inguruetako auzoetan eragozpenak eragiten dituela eta auzokideen segurtasuna arriskuan jartzen duela adierazi du Guztientzat auzo elkarteak, eta jakinarazi du konponbideak bilatzeko xedeaz azken urteetan elkarlanean aritu direla Altamira-Arestizabala auzoko bizilagunak eta Udala. Egiteko asko dagoen arren, Udalaren partetik egoera hobetzeko lanean jarraitzeko asmoa nabari dela diote auzotarrek. Salbuespen batekin, Alfonso Gil PSEko zinegotzia buru duen Mugikortasun eta Jasangarritasun sailak horretarako asmorik ez duela erakutsi baiteritzote.

“Ia urtebete pasa da Gil-ek 2018ko ediziorako guztia konponduta egongo zela promestu zuen lehen bileratik, baina BBK Live hasteko egun gutxi falta diren honetan, aurreko urteetako egoera berbera mantentzeko asmoa dauka, emandako hitza janez”, salatu dute. Aurten ere gauza berbera hitz eman duela gaineratu dute, baina hitza idatziz eman nahi izan ez duenez, ez duela esandakoa beteko interpretatu dute auzokideek.

Jaialdiak gertuko auzoetan eragiten dituen albo kalteen artetik, Gil-en eskumenekoak diren bi puntu beltz identifikatu dituzte auzokideek: Altamira auzoan ezarritako taxi geralekua eta Bilbobus zerbitzuko 28 eta 58 lineen kolapsoa. Taxi geralekuari dagokionez, Altamira auzoko sarbide bakarra kolapsatzen duela ohartarazi dute. Horrek eragiten dituen eragozpenak alde batera utzita, ardura agertu dute larrialdi zerbitzuen beharra egongo balitz sortuko liratekeen arazoekin. Bilbobus zerbitzuaren inguruan, bestalde, auzotar askok aipatu dituzte beraien etxera heltzeko izaten dituzten arazoak eta autobusek bidaiari-edukiera gainditu egiten dutela azpimarratu, hau arriskutsutzat joaz.

Auzotarrek adierazitakoaren arabera, orain urtebete egoera hobetzeko bideragarriak ziren proposamenak egin zizkioten Gil-i, nahiz eta honek esku-hartzerik egin ez. Mugikortasun eta Jasangarritasun sailetik “luzamendutan” aritu direla adierazi dute, eta hitzorduak lotzen ahalegindu diren bizilagun batzuei emandako tratu “ezatsegina” salatu. “Proposamena egin zaien arren, ez daukate ausardiarik auzora aurpegia ematera etorri eta beraien postura azaltzeko, jendea arriskuaren aurrean bakarrik utziz”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: BBK Live  |  Bilbo

BBK Live kanaletik interesatuko zaizu...
Fauna publikoa
Kanpolarrosa festival

Asteburu osoa pasa dut BBK Live jaialdiaren txioak ikusten festibalaren kontu ofizialean eta, dirudienez, Euskaraldiarekin gure hizkuntza normalizatzeko sortzen ari den kolorinetako kontsentsua ez da Kobetamendira iritsi.


2018-07-16 | Nahia Ibarzabal
ETBk gaztelaniaz eskaini ditu umeentzako tailerrak "Play 'N' kids" jaialdian

BBK Livek umeentzat antolatutako ekitaldia, larunbatean ospatu da Bilboko Areatzan.


2018-07-12 | ARGIA
Alfonso Gil zinegotziak BBK Live jaialdiaren albo kalteak konpontzeko promesa bete ez duela salatuko dute

Bilboko Altamira auzoko 'Guztientzat' auzo elkarteak deitu du mobilizazioa, BBK Live jaialdiaren lehen egunean. Makroekitaldiak gertuko auzoetan eragiten dituen kalteak eta Bilboko Udaleko Alfonso Gil zinegotziak horiek konpontzeko egindako “promes faltsua” salatuko dituzte.


2018-07-04 | ARGIA
BBK Live salatu du kontsumitzaile elkarte batek, kanpoko janaria sartzea debekatzeagatik

FACUA kontsumitzaile-elkarteak BBK Live festibala antolatzen duen Last Tour enpresa salatu du, ez duelako uzten kanpoko janaririk eta edaririk sartzen musika-jaialdia egiten den eremuan.


Azkenak
EGILEA
Eguneraketa berriak daude