Bartzelonako etxebizitza sindikatuak The District higiezinen azokako partaideak pinturaz zikindu ditu
Irailaren 20tik 22ra nazioarteko 10.000 zuzendari baino gehiago elkartuko dira Bartzelonako hiriburuan. Sindikatuek salatu dute Bartzelona "etxegabetzeen, gentrifikazioaren eta espekulazioaren epizentro" bihurtu dela.
Irailaren 20tik 22ra The District higiezinen sektoreko azoka egin dute Bartzelonan, eta haren aurka protesta egiten ari dira hiriko zenbait etxebizitza sindikatuk. Besteak beste, azokako partaideak pinturarekin zikindu dituzte. Guztira nazioarteko 10.000 zuzendari baino gehiago bilduko ditu The District-ek hiru egunotan.
Zikindu duten partaideetako bat Jordi Moix da, Bartzelona futbol taldeko ekonomiako lehendakariorde ohia.
Etxebizitza sindikatuek salatu dute azokan inbertsio funtsen, bankuen eta bestelako espekulatzaileen ordezkariak elkartzen direla pentsatzeko "nola ito langile klasea, beren auzoetatik bidali eta etxebizitza eskubidea urratuta ondoren". Azpimarratu dute Bartzelona "etxegabetzeen, gentrifikazioaren eta higiezinen espekulazioaren epizentro" bihurtu dela; hain zuzen, Espainiako estatuan etxegabetze gehien gertatzen diren hiriburua da.
Azokaren bigarren edizioa izan da aurtengoa. Iaz ere Bartzelonan egin zuten, baina ikusteko dago datorren urtean ere hala izango ote den. Iturri ofizialek baieztatu ez badute ere, sare sozialetan parte-hartzaile batek aurreratu du datorren urtean Madrilen, Valentzian edo Malagan egingo dutela, Kataluniako hiriburuan "ezker muturreko erradikalek egindako jazarpenaren ostean".
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]