Barrikada egin dute Eginoko trenbidean “zanpatzen gaituenari herri gisa erantzuteko”
40 gurpil inguru erabili dituzte suzko barrikada egiteko eta trenen ibilbidea eteteko. Hala Bedi-ri helarazi dioten argazkian eta oharrean adierazi dutenez, herri antifaxista eraikitzeko inor ez bazterrean geratzeko deia egin dute.
Apirilaren 15ean, goizeko 06:00ak aldera, 40 bat gurpilekin osatutako barrikada bat osatu zuten Egino herritik (Araba) igarotzen den trenbidean. Nahiz eta hedabide ezberdinetan oihartzunik ez izan, ezezagun batzuek Hala Bedi-ra igorritako ohar eta argazki batean ekimenaren dimentsioa ikus daiteke.
Argazkian agertzen den “Atzo gaur eta beti. Euskal Herritik ez dira pasako!” esaldiarekin batera, oharrean “espainiar oligarkiak Espainiar estatu krisiari autoritarismotik, ukaziotik eta esplotaziotik aterabidea” eman nahi diola salatu dute. “Euskal Herria etsaitzat dute, eta espainiar eskuin muturra eta muturreko eskuina arerio horretatik elikatzeko asmoa dute. Beste ezeren gainetik, herri zapalduon ukazioan oinarritzen delako haien proiektua”.
Aurreko asteburuko ekitaldi faxistak eta Ertzaintzaren kargak kontestualizatzearekin batera -19 urte neska bat astelehenean Bilbon operatu behar izan zuten Ertzaintzaren kargen ondorioz-, Euskal Herriak faxistak gertutik ezagutu dituela gaineratu dute: “Gogor borrokatu ditu eta larrutik ordaindu du. Egoerari neurria hartu behar diogu. Harro dabil bidegabekeria eta honek ez du atzera egiteko asmorik. Gure bizitzak, gorputzak eta lurraldeak menpeko nahi dituzte”.
“Herri gisa erantzun behar dugu”
Espetxean dauden gazteak ere aipatu dituzte, “beren herria maitatzeagatik espetxera bidaltzen dituztenak”. Ildo honetan, “muntai juridiko eta polizialei esker bahituen zerrenda luzatzen dute, herri hau gatibu mantentzeko asmoz. Frankismoaren oinordekoak diren tribunal eta segurtasun indarrek adierazpen askatasunaren mugak markatzen dizkigute eta Damoklesen ezpata buru gainean jarri digute. Herrion erabakitzeko eskubidea kriminalizatu dute, espainiak eskaintzen duen eredu sozial eta ekonomikoa inposizioaren bidez mantenaraziz”.
Bide batez, inor ez bazterrean geratzeko deia egin dute, langileria, emakumeak, euskaldunak, gazteak, etorkinak eta baztertuak aipatuz. “Ez dadila inor bazterrean geratu. Herri antifaxista bat eraiki ahal izateko, herri gisa erantzun behar diogu zanpatzen gaituenari”.
Oharraren amaieran beste alde batera begiratzerik ez dagoela ondorioztatu dute: “Datorkigunari erantzuteko prest egon behar gara, borroka fronte guztietan. Zaurituen, atxilotuen eta kriminalizazioaren gainetik herri honek irmotasunez eta sormenaz erantzun dio ultraeskuin españolari. Aurrerantzean ere tinko eta eraginkor“.
Albiste hau Hala Bedi-k argitaratu du eta CC-by-sa lizentziari esker ekarri dugu.
Sei urte, sei urte luze, pasa dira Ciudadanos alderdi politikoak bere mitina egin zuenetik gure herrian. Bere mitina apirilaren 14an, errepublikaren egunean, eta inongo ordezkaritzarik ez duen herri eta lurralde batean. Ohituak gaude horrelako probokazioekin, baina egia da... [+]
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Segurtasunaren aldeko elkarretaratze bat antolatu dute ostiral honetarako, hilak 23, Altzako Harria parkean. Donostiako hainbat eragile antifaxistek salatu dutenez, “Voxeko jarraitzaile bat” da deialdiaren atzean dagoena, eta Frente Obrerok eta Juventud Combativa... [+]
Joan den abenduan gaztetxeak pintaketa nazi-faxistak salatu zituen ere, eta oraingo honetan “Stop LGTBI”, “Fuera degenerados” edota “No os dejaremos dormir” bezalako mehatxuak izan dira asteburuan Lakaxitako hormetan azaldu diren mezuak, diana... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Hirurehun bat pertsona hurbildu ziren jende katea osatzeko Marengo eta Pannecau zubien artean.
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
