Barakaldoko eraso faxista salatu dute 200 bat lagunek
“Argi daukagu eraso horrek konnotazio politiko argiak dituela” adierazi du Ezkerraldea Antifaxista taldeak, asteartean gertatutako erasoaren inguruan.
Barakaldoko San Bizente auzoan Andeka Juradok eraso faxista jasan zuen asteartean, berak kudeatzen duen tabernatik gertu. Labankada bat jaso zuen bihotzaren azpian. Jurado onik da, azaleko ebakia izan zen eta. Egun berean atxilotu zuten erasotzailea. Ezkerralde Antifaxistak erasoa arbuiatzeko protesta antolatu du ostegunean "Auzoz auzo, faxismoa suntsitu" lelopean, eta berrehun bat bizilagun elkartu dira.
Gurutzetako Hospitaletik jada alta eman diote Juradori, zazpi grapekin. Osteguneko konzentrazioan izan da, eta erasotzaileari salaketa ipini diola adierazi du. "Motozale talde faxista" baten parte zela erasotzailea eta bere anaia "auzoko nazi ezagun bat zela" adierazi dio Juradok Sare Antifaxistari.
Ezkerralde Antifaxistak alkatearen bertsioa ukatu du
Konzentrazioan, Ezkerralde Antifaxistatik Barakaldoko alkate den Amaia del Camporen bertsioa ukatu dute: Alkateak "eztabaida baten ondorioz" gertatu dela erasoa adierazi duela esan dute, eta talde antifaxistatik argi dute "erasoak konnotazio politiko argiak dituela".
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.
Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.