Badator eskola txikien egun handia

  • Herri-bizitzaren motor eta bihotz, haurrak aniztasunean eta herriarekin eta naturarekin harreman estuan hezteko eredu aproposa dira eskola txikiak. Bai pedagogikoki, bai auzo eta herrietako komunitatean duten garrantzia aldarrikatzeko, aurten ere Gipuzkoako Eskola Txikien Jaia ospatuko dute, datorren igandean, Zumaiako Oikia auzoan.


2018ko ekainaren 06an - 12:30

Gela berean dagoen adin aniztasuna da eskola txikien bereizgarri nagusia, eta jakina da adinak nahasteak (batzuei eta besteei) zenbat onura dakarzkien. Horrez gain, ikasle gutxi izatearen abantailak; guraso, ikasle eta irakasleen artean sortzen den harreman estua eta giro goxoa; edota lortzen diren balioak ere azpimarratzen dituzte eskola txikietako kideek. Azken finean, auzo eta herri txikietako altxorra dira, eredu propioa garatzeko estrategikoak, ez bakarrik hezkuntzan, baita herrigintzan ere.

Hori guztia ikusarazi asmoz, esparru ugaritako lagunen hitzekin bideo-bilduma egin dute jaiaren antolatzaileek: bideo bidez, eskola txikien dohainak nabarmendu dituzte Iraia Elias aktoreak, Koldobika Jauregi eskultoreak, Estitxu Eizagirre ARGIAko kazetariak, Iñaki Errasti arraunlariak…

Bestelako jai eredu bat

Duela hiru bat ediziotik, jai eredua bera birplanteatu eta neurriz txikitzea erabaki zuten, "festa handiagoa egin, jende gehiago bildu, diru etekin handiagoa atera" gurpil-zoroari muga jarri behar zitzaiola jabetuta. Ekainaren 10ean, Oikia eskola txikiak goizeko 10:30ean emango dio hasiera festari, eta jolasak, tailerrak, puzgarriak, Zumaiako Musika Bandaren dantza-saioa, pailazoak, apar-festa… izango dira egunean zehar.


Kanal honetatik interesatuko zaizu: Eskola Txikien Festa
2022-06-07 | Estitxu Eizagirre
Errezilen egingo den Eskola Txikien Jaiak Maria Dolores Agirreren ibilbidea taularatuko du

Ekainaren 12an egingo da Eskola Txikien 34. jaia, Errezilen. Bertako herritarrak hilabetetan aritu dira prestaketa lanetan eta egun osoko egitarau ederra prest dute. Arratsaldean 5. eta 6. mailako ikasleek antzerkia eskainiko dute: Errezilen jaio zen Maria Dolores Agirre idazle,... [+]


2019-05-30 | Usurbilgo Noaua
Aginagak "ateak zabalik", ekainaren 9an Gipuzkoako Eskola Txikien festa ospatzeko

Gipuzkoako eskola txikien arteko hartuemanak sendotu, elkar ezagutza bultzatu eta haien guztien topagunean bilakatuko da Aginaga ekainaren 9an. Aginagako Eskolaren bueltan ospatuko da, Gipuzkoako Eskola Txikien festa. Asteazken eguerdi honetan aurkeztu dute.


2017-06-13 | Estitxu Eizagirre
Parte-hartzea nagusi Arroan, Eskola Txikien Festan

Sakulupe guraso elkarteko kideek, "emozioz eta nekez" beteta eskerrak eman dizkiete ekainaren 11n Eskola Txikien Festa egiten lagundu zuten guztiei. Eguraldi ederra lagun, festa ederra eta parte-hartzailea antolatu zuten. Hurrengo urtean Oikiaren txanda izango da.


2017-06-08 | Estitxu Eizagirre
Igandean Eskola Txikien Festak zeharkatuko du Arroa

Eskola txikiak herri eta auzoak bizirik izateko funtsezkoak direla adierazten du festak. Aukera polita izango da Arroa auzoko (Zestoa) eskolaren errealitatea ezagutzeko, tartean, gurasoek larritasunez eskatu arren atzerapenez doazen eraikuntza berriaren orubea.


2015-06-28 | Estitxu Eizagirre
Eskola txikien festa
Etekin ekonomikoei muga

Festa handiagoa egin, jende gehiago bildu, diru etekin handiagoa atera. “Orain arte gurpilak eraman gaitu” aitortu dute Gipuzkoako Eskola Txikietako Gurasoen Koordinadorako lehendakari Nagore Iñurrategik, eta Eskola Txikietako irakasleen koordinatzailea den... [+]


Eguneraketa berriak daude