Azaroak 9: 948 udal, 1.255 areto eta 6.430 bozka-leku

  • Azaroaren 9an Generalitateak antolatutako kontsultan parte hartu nahi duten katalanen %99,9k beraien udalean eman ahal izango dute botoa, herrialdean diren 947 udaletatik 938tan hain zuzen. Prest ez diren udalak oso txikiak dira, 50 biztanle ingurukoak batzuk, baina haietako herritarrek inguruko herrietan botoa emateko eskubidea izango dute.


2014ko urriaren 22a - 07:00
Azken eguneraketa: 2014-10-23 10:25
Joana Ortega Generalitateko lehendakariordea azaroaren 9ko kontsultaz egin duen aurkezpenean, La Vanguardiako argazkian.
Zure babesik gabe independentzia ezinezkoa zaigu

1.255 areto prestatu dira eta 6.430 gune zehatzetan sartu ahal izango da bozka papera. Generalitateko lehendakariorde Joana Ortegak jakinarazi duenez, 16 urtetik gorako 5,4 milioi pertsonek izango dute boto eskubidea, horien artean atzerrian bizi diren katalanak eta Katalunian bizi diren atzerritarrak.

Bozketa behar bezala egiteko 20.000 boluntario eskatu zituen Artur Masek joan den astean eta dagoeneko 30.000 herritarrek eman dute beren izena behar diren lanak aurrera ateratzeko. Urriaren 29tik aurrera herritarrek participa2014 gunean edo udaletxeetan kontsultatu ahal izango dute non den beren bozka lekua. Azaroaren 9an botoa eman aurretik kontsultan parte hartzeko izena eman beharko dute eta ondoren bozka eman. Ortegak ez du ezer zehaztu nazioarteko begiraleei buruz, baina proposamenak badirela eta dagokionean azalduko direla azpimarratu du. Espainiako Gobernuak aurkez dezakeen balizko helegiteaz ere galdetu zaio lehendakariordeari, baina erantzun du halakorik ez dela oraingoz eta ez duela gertatu gabekoez hitz egingo.


2026ko uztailaren 17
Goizean argi
Estatu kolpe

Eguneraketa berriak daude
Kontsultatu Hemeroteka berria
1919tik gaur arteko aldizkari guztiak online
150.000 orrialdetik gora dira, euskaraz eta Euskal Herriari idatziak. Mende bat baino gehiagoz, Euskal Herriko historiaren lekuko eta euskal kazetaritzaren eragile izan da ARGIA. Ondare hori euskal komunitate osoaren zerbitzura jarri dugu lizentzia libreekin.