Auzo-taxi zerbitzua jarriko dute martxan Bergaran
Bergarako auzotarrei zuzendutako zerbitzua jarriko du martxan Udalak. Auzoetara joan-etorria egiteko auzo-taxi zerbitzua izango da. Programan sartu diren auzoetan erroldatuta dauden eta autorik ez duten 16 eta 25 urte bitarteko pertsonei, 65 urtetik gorakoei eta autonomia propioa ez dutenei zuzenduta egongo da. Baldintza horiek betetzen dituztenek txartel bat eskuratu beharko dute udaletxean.
Udalak auzo-taxi zerbitzua jarriko du martxan –egin beharreko tramiteak egin ondoren, otsailean martxan jartzea espero dute–. "Bergarako auzoetako herritarren eskaerari erantzuna eman nahi izan diogu", azaldu du Lander Arregi auzoetako zinegotziak. "Herribusa ez da auzo eta landagune askotara iristen; horregatik, taxi zerbitzuarekin mugikortasuna osatu nahi dugu", dio, eta gaineratu du "helburua da landa eremuetan bizi diren herritarren bizi kalitatea hobetzea".
"Auzoetako herritarrekin egindako batzarretan behin baino gehiagotan esan digute kolektibo jakin batzuek mugikortasunerako premiak dituztela", dio zinegotziak. Hori horrela, Udalak aukera ezberdinak aztertu ostean taxi zerbitzua jartzea pentsatu duela azaldu du Arregik.
Parte hartuko duten auzoak
Programan sartuko diren auzoak dira: Angiozar, Basalgo, Buruñao, Elorregi, Elosu, Goiauzoa, Osintxuko baserri eremua, San Juan, Sanantonabat eta Aldaiegia. Auzo horietan bizi diren eta mugikortasun arazoak dituztenek udaletxean txartel bat eskatu beharko dute, eta txartel hori erakutsi beharko dute taxia erabiltzerakoan.
Bidaia bakoitzeko 3 euro ordaindu beharko du zerbitzuaren erabiltzaileak –pertsona bat baino gehiago joan daiteke bidaian–; eta, bidaia bakoitzeko gainontzeko 9 euroak Udalak ordainduko dizkio taxi gidariari. "Udalak 15.000 euroko partida onartu du 2018rako. Bost taxi batu dira zerbitzua emateko programara", azaldu du Arregik. Gidariak dira: Felix Peralta, Markos Atutxa, Benjamin Zinkudegi, Patxi Lopez eta Carlos Gonzalez.
Zerbitzuaren ordutegia da: astelehenetik egubakoitzera 7:30etik 20:00etara, eta zapatutan 9:00etatik 14:00etara.
Parte hartzeko baldintzak
Programan parte hartuko dute aipatutako auzoetan erroldatuta dauden eta auto propiorik ez duten 16 eta 25 urte bitartekoek, 65 urtetik gorakoek eta autonomia propiorik ez dutenek. "Baldintza horiek betetzen dituztenek Udalean hala egiaztatuta txartel bat eskuratuko dute eta horren bitartez programan sartuko dira", azaldu du Joseba Aizpurua Hirigintza teknikariak.
Zerbitzua erabili gura duenak hiru ordu lehenago deitu beharko du zerbitzua eskatzeko –bezperan ere dei dezake–. Zerbitzua eskatzeko telefono zenbaki bat jarri dute 685 733 283. Udal ordezkariek eskatu dute "whatsApp aplikazioa erabiltzea" zerbitzua eskatzeko.
Albiste hau Goienak argitaratu du eta CC-by-SA lizentziari esker ekarri dugu ARGIAra.
Kanpaldiaren helburua "osasuna eta ingurumena arriskuan jartzen dituen eta etorkizuna hipotekatzen duen proiektu jasanezina" geldiaraztea da.
.jpg)
Kirol ekitaldi handi xamarrak egiten diren bakoitzean, agintariek hauspotzen duten "inpaktu ekonomikoaz" edo "hiria mapan kokatzeaz" harago, ohikoa da ostatuen garestitze basatiaz, garraio publikoan daukaten eraginaz edota segurtasun kontuez hitz egitea. Ohikoa... [+]
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
A-15 errepideko trafikoa N-I errepidearekin bat egiten duen tokian eraikiko litzateke lotune berria. Andoainen N-I errepidearen "afekzioak murriztu" eta ingurunean "modu hobean" integratuko dela adierazi du aldundiak. Udalak 2011ko eta aurtengo proiektuen... [+]
Apirilean zen sartzekoa araua baina atzeratzea erabaki dute. Derrigorrezkoa izanen da ibilgailuetan agiria eramatea, ez soilik hiri eta herri nagusienetan sartu ahal izateko, baita kostalde osoko errepideetan mugitu ahal izateko ere.
Kar Kar Car auto elektrikoen erabiltzaileen kooperatiba ibilgailuen flota handitzen eta bere zerbitzua Iruñerriara zabaltzen ari da.
Bizieskola ekimenaren bitartez Gasteizko Eraman kooperatiba ikastetxeetako umeak trebatzen hasi da ikasturte honetan, hirian bizikletaz segurtasunez eta modu independentean ibiltzeko. Gasteizko Udalarekin batera parte hartzen du ekimenean, eta kooperatibako kideek ikastetxeetako... [+]
Urtarrilaren 6az geroztik autobus linea berriak daude Zuberoan, Nafarroa Beherean eta Lapurdin. Halaber, zerbitzuen maiztasuna ere hobetu da, Euskal Hirigune Elkargoko Mugikortasun Sindikatuak eta RATP konpainiak elkarlanean bultzatutako egitasmoari esker. Bestetik, 12 urtez... [+]
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Gipuzkoako Foru Aldundiak Avanza enpresarekin duen kontratua amaitzear denean, hura ez luzatzeko eta “zerbitzuan hobekuntzak” jasoko dituen kontratu berria onartzeko eskatu diote Debagoieneko alkateek.
Japonian auto (pribatu) bat izateko aparkaleku (pribatu) bat izatea derrigorrezkoa da. Neurria polemikoa iruditu dakiguke, hemengo araudiak (hemengo balore sistemak) autoaren gordailua publikoa den espazioak hartzea onartzen duelako. Hau da: arazoa publikotasunaren... [+]
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Iruñeak bat egiten du irailaren 16tik 22ra egingo den Mugikortasunaren Europako Astearekin, mugikortasun iraunkorra eta espazio publiko partekatuari buruzko hausnarketa sustatzeko diseinatutako jardueraz betetako programa batekin. "Konbinatu eta mugitu"... [+]
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]