ARGIA.eus

2020ko azaroaren 27a

Auzitegi Konstituzionalak Mozal Legea ontzat eman du, polizien grabaketak zigortzea izan ezik

  • Espainiako Auzitegi Konstituzionalak Mozal Lege ia osoa babestu du ostiral honetan emandako ebazpenean. Konstituzioaren kontrakotzat jo duen bakarra izan da polizia indarren irudiak zabaltzea zigortzen duen artikulua.

ARGIA @argia
2020ko azaroaren 20a

Duela bost urte aurkeztu zuten helegitea PSOE, Ezker Batua, Chunta Aragonesista, UPyD eta Espainiako Kongresuko Talde Mixtoko diputatu talde handi batek, eta orain etorri da Herritarren Segurtasuna Babesteko Legearen –kaleko hizkeran Mozal Legea– helegiteari emandako erantzuna.

Segurtasun indarren irudiak hartu eta zabaltzeak ika-mika eta zigor ugari ekarri ditu urte hauetan, orain indargabetu den 36.23 artikuluaren arabera, herritarrek –kazetariak barne– ezin zituztelako zabaldu kalean lanean ari ziren polizien irudirik.

Baina ebazpen honek baiezkoa eman dio, esate baterako, Ceuta eta Melillatik sartzen diren migratzaileak beroan itzultzeari, auzitegiaren ustez hori bat datorrelako Giza Eskubideen Europako Auzitegiaren doktrinarekin. Onespena eman die halaber, estatuko legegintza-ganberen aurkako protesta-istiluetan izandako arau-hauste astunengatik ezarritako zigorrei; eta baita ere gorputzeko erregistroei, izan hauek arropen gainetik egindakoak edo biluzik egindako miaketak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Mozal legearen mehatxua  |  Espainia  |  Giza eskubideak

Mozal legearen mehatxua kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude