Artur Masek elkarrizketarako gonbitea egin dio Rajoyri The Guardian egunkarian

  • The Guardian egunkari britainiarrak Artur Mas Kataluniako jarduneko presidentearen artikulua publikatu du astelehen honetan. CDCko buruak independentzia prozesuaren errepasoa egin du, Espainiako agintarien jarrera kritikatzearekin batera.


2015eko urriaren 05an - 17:50
The Guardian egunkarian elkarrizketarako deia egin dio Masek Rajoyri beste behin ere.

“Kataluniako herritarrek hitz egin dute. Entzungo al du Espainiako gobernuak?” izenburua duen artikuluan Masek gogora ekarri du irailaren 27ko hauteskundeak izan direla kataluniarrentzat aukera bakarra euren etorkizun politikoari buruz bozkatzeko. “Lau urtetako mobilizazio masiboen gailurra” izan da plebiszitua, artikuluan dioenez.

Egoera honetara nola iritsi diren sakon azaldu ostean –XI. mendetik hasi eta 1970eko hamarkadako trantsizioari garrantzia eman die artikuluan–, zenbait datu ekonomiko jarri ditu mahai gainean buruzagi convergenteak: “Kataluniak Espainiako populazioaren %16 dauka. Guk ekoizten dugu Espainiako produkzio ekonomikoaren %20, baita oinarri industrial sofistikatua daukaten esportazioen %25 ere (…) eta hala ere, Espainiako Gobernuaren inbertsioen %10 baino ez dugu jasotzen”.

Elkarrizketarako gonbitea

Artikuluaren amaieran, Masek dio “lehen Espainiaren barne-arazoa zena” orain nazioarteko eskala hartu duen afera bihurtu dela, eta hala ere Moncloak uko egiten diola hitz egiteari: “Rajoy presidentearekin egin nuen azken bilera duela 14 hilabete izan zen. Behin eta berriz eskatu dugu elkarrizketa. Gure eskuak zabalik daude, baina Madrilen ukabila ez da inoiz lasaitu”.

Irailaren 27ko emaitzek independentistei emandako garaipena Espainiarekin eta Europarekin onez onean administratzeko borondatea adierazi du Masek bukatzeko. “Espainia orain prest al dago Kataluniako herriaren erabaki demokratikoa onartzeko? Ala bere intransigentziarekin jarraituko du?”.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude