Aroztegiak kaltetuko dituen parajeak ezagutzeko oinezko ibilbideak eskaintzen ditu herri plataformak
Uda ailegatu zaigu eta Baztango bailara bisitatzeko aukera ezin hobea da garai hau, horregatik Aroztegia… eta gero zer? Herri plataformak, Aroztegiako proiektuak kaltetuko dituen parajeak ezagutzeko oinezko ibilbideak ezagutzeko gonbita luzatzen dizue.
Baztan jakin min berezia sortzen duen bailara dugu, baserri eta jauregiak, belai berdeetan bazkatzen diren behi, ardi eta larre pottokak. Paisaia. Baztandarren mintzo xaloa. Eta nola ez, Batzar Nagusia eta herrietako batzarrak, berezi egiten gaituen eta gurea den antolamendu instituzional zaharra.
Baina kasu! Ohiturak marraztutako margolan honen gibelean Baztandarren eguneroko problematika ezkutatzen baita, baserri eta jauregiak ederrak dira arras baina Baztanen 800 etxe huts baino gehiago ditugun honetan Palacio de AroztegiaSL-k 228 famili bakarreko etxebizitza egin nahi ditu. Gure belai berdeak ez dira paisaia basati hutsak, baizik nekazalgoak lurrarekiko duen harremanaren ondorio. Egunetik egunera adinez zaharragoa den nekazalgoa beti egitasmo txikitzaileen mehatxupean. Gure mintzoa xaloa dugu bai baina gaur den egunean oraino goxoki zaindu behar dugun ondare hauskorra da, zenbait ikerketen arabera proiektu honek anitz kaltetuko lukeen ondarea. Eta Batzar Nagusiari, Nafarroako gobernuak eskumenak kendu dizkio UGPS aren bitartez, baztandarren erabakitzeko tresna ebatsiaz eta Aroztegian bertzeren artean golf belaia inposatzeko, gure borondatearen aurka eta herri lurrak zein nekazarienak bereganatuz.
Eta horregatik, Baztan maite duzun bisitari hori, zuri, Aroztegiako proiektuak kaltetuko dituen parajeak ezagutzeko oinezko ibilbideak eskaintzen dizkizugu, paisaiaz gozatu arratsalde pasa goxo bat egin eta bide batez gure 11 borroketako baten zergatia ulertzeko aukera sortzeko asmoz. Era kontzienteago batean guregana hurbiltzeko bertze modu bat.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Baztango udalbatzak abuztuaren 23an egindako ohiko osoko bilkuran, Palacio de Arozteguiak bereganatutako herriko ermitaren jabetza auzibide zibilean defendatzeko erabakia hartu zuen. Erabakiak EH Bildu, Ezkerra eta Baztan Auzolaneanen aldeko sei bozka izan zituen. Geroa Baiko biek kontra bozkatu zuten eta UPNeko hirurek abstentziorat jo zuten.
Ortzegunean 10:00etan dute hitzordua Nafarroako Auzitegi Nagusian eta ordu erdi lehenago elkarretaratzea deitu dute
Nafarroako Gobernuaren oniritzi eta baimen guztiak lortuta, Baztango bizimodua baldintzatuko duen proiektua edozein momentuan eraikitzen hasiko direla ohartarazi dute.
Fikziozko liburu bati buruz solasean aritu ziren Nafarroako Parlamentuko Hezkuntza Batzordean otsailaren 6an, ordu eta hogei minutuz, tarteka tentsio handiz. Egoera bitxia eragin du UPNk, Lekarozko institutuko DBH4ko ikasleek irakurri duten eleberri bat jo-puntuan jarriz. Ernesto Prat Urzainkiren Telleria eta gero, zer? (Elkar, 2017) da nobela, genero beltzekoa, eta eskuin erregionalistak salatu du zentroko irakasleek “jarrera ideologiko eta politiko batzuk inposatzeko” erabili... [+]
Garbiñe Elizegi, Baztango alkate ohia, Baztango aroztegia “pelotazo” bat dela esateagatik salatu zuen aroztegiaren sustatzaileak. El Diario de Navarrak jaso duenez, epaileak ez dio deliturik egotzi Elizegiri, “hitzok ez baitute inor mintzen” eta kargu guztietatik absolbitu du. 1.000 euro ordaintzera zigortuta zegoen beste sententzia bat ere bertan behera utzi du.
Urtarrilaren 2an egin zen ohiko Batzar Nagusian, Baztango batzarkideen gehiengoak onartu zuen Lekarozko Aroztegiko Udalez gaindiko Plan Sektorialaren birzatiketa plana errekurritzea, plan honek ez baitu izan legeak eskatzen duen bezala Aroztegi inguruko lurjabe guztien sinadurarik edo oniritzirik.
EH Bilduk eta Ezkerrak prentsaurrekoa eman dute Aroztegiako proiektua aurrera eramaten ari den enpresak salaketa jarri dielako bost hautetsiri. Elizondoko herriko plazan protesta egiten ari direnei argindar publikoa erabiltzeko baimena emateagatik jarri diete salaketa, prebarikazioa delakoan.
Epailearen ustez, "erabat justifikatua" dago udalerriz gaindiko izaera. Aroztegia eta zer? plataformak berretsi du "inposatutako" proiektu bat dela Aroztegian egin nahi dutena.
UPNko gobernuaren proiektua zena orain Geroa Baikoak egin du bere: Lekarozen luxuzko hotela, golf zelaia eta 228 etxebizitza egitea. Geroa Baiko eledun Koldo Martinezek, Aroztegiako proiektuak euskaran izanen duen eraginaz galdetuta, erreserba hitza aipatu zuen. Ez zekien laguntzen ari zela mugimendu berri bat sortzen. Aroztegiako komantxeek deituta, asteburuan Elizondoko plaza okupatu dute 50 gaztek. Baztan errotik aldatuko lukeen proiektuak eskualdean duen aurkakotasuna irudikatu nahi izan... [+]
Batzuetan ez dugu jakiten gure hitzen ibilbidea zein izanen den. Koldo Martinez, Geroa Baiko eledunak, Aroztegiako proiektuak hizkuntzan izanen zuen eraginari buruzko txioan erreserba deitu gintuen. Ez zekien komantxeen kanpaldi bat antolatzeko bidea sortzen ari zela.
