ARGIAren multimedia ekoizpen guztiak Creative Commons lizentziarekin


2010ko urtarrilaren 22a
Creative Commons

Creative Commons BY-SA lizentziapean jarri ditu ARGIAk Multimedia kanalean sortutako eduki guztiak. Lan hauek kopiatu, banatu, lan eratorriak sortu eta jendaurrean heda daitezke, beti ere lizentzia honen izaera onartu eta lanaren egiletza aitortuz gero.

ARGIAk bat egiten du CC-BY-SA lizentzia molde honen balore nagusiekin. Partekatzea jotzen du kulturaren iturri eta balio ederrenetako gisa eta ARGIArentzat bere informazio eta sorkuntzaren zabalkunde librea funtsezkoa da. Era honetan, zenbat eta jende gehiagorengana heldu, hobe.

Lizentzia hauei buruz gehiago jakin nahi duenak, 2008ko azaroan Lawrence Lessig Creative Commons lizentzien sortzaile eta bultzatzailea elkarrizketatu zuen Elisabeth Pombok ARGIAn. Beste gauza askoren artean dio hizkuntza txiki batek har dezakeen biderik onena dela, bai hizkuntza zabaldu eta baita indartzeko ere.

Bide hau Hitzetik Hultzera bideo saioarekin hasi zuen ARGIAk, aurreko astean blogak jarri genituen CC-BY-SA lizentziapean eta orain multimedia kanalaren txanda da.

ARGIA bezalako aldizkari batentzat, egile eskubideak gai korapilatsua dira, lan-taldeko kazetariek sortzen ez duten informazioa publikatzen baita, argazkilari askoren lanak... Edozein modutan, ARGIAri dagozkion eduki guztiak lizentzia honen pean egongo dira etorkizun hurbilean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hitzetik Hultzera

Hitzetik Hultzera kanaletik interesatuko zaizu...
2009-12-10
Hitzetik Hultzera, bosgarren kapitulua
MULTIMEDIA - Hitzetik hultzera

Finalari errepaso polita egin diote Estitu Eizagirre eta Agin Rezolak aste honetako Hitzetik Hultzeran! Gabon ikutuko kapitulu honetan ere ezin falta bertso onak, eta nola ez, janaria barra-barra!


Hitzetik Hultzera, laugarren kapitulua
MULTIMEDIA - Hitzetik hultzera

Bertso eta janari ugari igaro da gure mahaitik eta honez gero badugu Barakaldon abestuko duen zortzikotea. Baina BECera salto egin aurretik asteburu hauek utzitako ajea zaintzeko baliatuko dugu laugarren saio hau, te, fruta eta barazkiz lagunduta. On egin bertsojaleok!


2009-11-25 | Axier Lopez
Hitzetik Hultzera 3
MULTIMEDIA - Hitzetik hultzera

Asteburu honetako Gernika eta Iruñeako bertso saioek utzi diguten onena aztertzeko sagardotegira hurbildu gara, kupela eta txuleta artean. Adi aste honetako gure gonbidatu bereziei, ez dira nolanahikoak eta.


2009-11-18 | Estitxu Eizagirre
Hitzetik Hultzera, bigarren kapitulua
MULTIMEDIA - Hitzetik hultzera

Bigarrenak ezin huts egin. Asteburuan, Tolosan eta Hendaian, izandako Bertso Txapelketa Nagusiko saioek utzi digutenari errepaso zirikatzailea. Bertsoz jantziriko irriak ez dira faltako Argiak, Info7-k eta bertsoa.com-ek ekoitzitako saioan. Lizentzia librez ekoizturiko bideoa. Bideoa kargatzean izan pazientzia eta mantso badabilkizu, "pause" sakatu eta utzi bideoa kargatzen.


2009-11-11 | Axier Lopez
Hitzetik Hultzera, lehen kapitulua
MULTIMEDIA - Hitzetik hultzera

Argia eta Info7ren arteko elkarlanetik sortutako webTv saio berria da Hitzetik Hultzera. Izenetik iger daitekeen gisara, umorearen bidetik Bertsolaritza Txapelketa Nagusiak asteburuan eman duena aztertzea ardatz duen programa. Asteazkenero zintzilikatuko dugu webgunean. Ikusi, deskargatu eta hedatu, bideoak jabetza publikoa du eta.


Azkenak
Eguneraketa berriak daude