Anna Gabriel CUPeko diputatua zen Kataluniako Legebiltzarrean, 2017ko urriaren 28an kargugabetua izan eta Suitzan erbesteratu zen arte. 2018ko uztailean bera atxilotzeko agindua eman zuen Espainiako Auzitegi Gorenak, desobeditzea egotzita eta geroztik "errebeldia" egoeran zen. Gaur bere borondatez aurkeztu da epaitegi honetan: Pablo Llarena epaileak udazkenerako eman dio deklaratzera joateko hitzordua eta behin behinean aske geratu da eta bere aurkako atxilotze agindua eten egin da. Suitzara itzuli da.
Iñigo Iruin abokatuak lagunduta sartu da CUPeko kide Anna Gabriel Espainiako Auzitegi Gorenean, gaur goizeko 11:00ak aldera. Llarena epaileak udazkenerako eman dio deklaratzera joateko hitzordua, eta betebeharren artean ezarri dio lokalizatzeko moduan egoteko helbide eta telefonoa zehaztea eta deitzen zaion guztietan Auzitegi Gorenean agertzea. Horren ostean, behin behinean aske geratu da eta bere aurkako atxilotze agindua eten da.
Gabrielek adierazpen hauek egin ditu auzitegitik atera berritan: "Lau urte eta erdiko erbestealdia eta gero, ez nik eta ez inork inoiz galdu behar ez genuen askatasuna berreskuratzeko beharrezko urratsa da gaurkoa".
Anna Gabrielek adierazi duenez, "ardura profesional eta pertsonalekin koherentzian" Suitzan bizitzen jarraituko duela. Ginebrako UNIA sindikatuko idazkari nagusia da iazko azarotik eta Suitzan bizitzeko baimena du bost urterako. Baina gaineratu du bere "konpromiso politiko eta sozialek zeuden lekuan jarraitzen dutela, nire herriarekin, nire jendearekin, eta oso modu berezian, errepresaliatuak diren pertsona multzoarekin".
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]