Anari Alberdik Adarra Saria jaso du

  • Musika munduan egin duen kalitatezko ibilbidea aitortuz Adarra Saria eman dio Donostia Kulturak ostegunean.

Nahia Ibarzabal @NahiaIbarzabal
2018ko ekainaren 22a
Anari Alberdi Adarra Sariarekin (Argazkia: El Diario Vasco)

Eneko Goia Donostiako alkatearen eskutik jaso du saria Victoria Eugenia antzokian. Askoren artean banatzeko saria dela aipatu du, “eta niri tokatzen zaidan zatia amari eskaini nahi diot”.

Ibilbidean, bederatzi disko argitaratu ditu Anarik. 1997an ‘Anari’ izeneko lana izan zen lehena eta azkena 2016an plazaratutako ‘epilogo bat’.

Hauskortasunari buruz idatzi ditu orokorrean abestiak, “ izan ere,  aldarte on batek ez nau eramaten idaztera, ez dakit horretan. Halakoetan ez dago ezer esateko; oso ondo dago dena, eta kito”, adierazi du Urola Kostako Hitzan.

Txio polemikoa

“Adarra Saria jaso du ez emakumea izateagatik, baizik eta artista handia izateagatik”, txiokatu du Eneko Goia alkateak eta polemika sortu du.

 

Egun batzuk lehenago Anarik garbi utzi zuen emakumea eta sortzailea dela “beraz sinetsi beharra daukat sortzaile naizen aldetik eman didatela saria, eta urteetan nik eta nire ingurukoek egin dugun lanaren ondorio dela”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: adarra saria

adarra saria kanaletik interesatuko zaizu...
Anariren kontzertua Adarra sari-ematean
Bizitza hegaldatzeko ahala

Ekainainaren 21ean, Donostiako Victoria Eugenia antzokian eskainitako kontzertuaren kronika.


Eguneraketa berriak daude