Amurrioko eskola txikia itxiko du Hezkuntza Sailak

  • Zabaleko Bizirik Plataformak jakinarazi du Hezkuntza Sailak adierazi diola Zabaleko ikastetxea itxiko duela. Bat-bateko eta adostu gabeko erabakia izan dela diote. Plataformak eskola euskalduna, publikoa, gertukoa eta txikia defendatuko duela azpimarratu du.

Protestak hasiak dira. Argazkia: Zabaleko Bizirik Plataforma.

2021eko maiatzaren 24an - 12:53

Plataformak adierazi du maiatzaren 20an Amurrioko Lehen Hezkuntzako bi ikastetxeak, Zabaleko eta Mendiko ikastetxeak, bat egiteko proposamena helarazi dietela Hezkuntza Sailetik. Hala, Amurriok ikastetxe publiko bakarra izango luke.

Zabaleko ikastetxea eskola txikia da eta 62 urteko ibilbidea du. Plataformaren iritziz, Zabaleko desagertuz gero eskola txikien eredua desagertuko litzateke: adinen arteko aniztasuna, Amurrion errotua, publikoa eta euskalduna. Azpimarratu dute eskola 62 urtez San Jose auzoko auzokide guztien topagunea izan dela.

Zabaleko Bizirik Plataforma abiatu dute eskola ixtea eragozteko eta era guztietako babesak ongi etorriak izango direla adierazi dute. Mobilizazioak eta aldarrikapenerako jai ekitaldiak antolatuko dituzte eta sare sozialetan arituko dira Zabaleko eskola txikia ez ixteko eskatzen.


Kanal honetatik interesatuko zaizu: Eskola Txikiak
2022-11-30 | Estitxu Eizagirre
Hik Hasiko ikastaroko 40 behatzaile, Larraulgo herri eskolan:
"Gehien harritu gaituena izan da umeak euren kasa hasten direla elkarrekin lanean, irakasleak ezer agindu gabe"

Hik Hasi hezkuntza aldizkariak bi ikasturteko ikastaroa antolatu du, Lehen Hezkuntzako irakasleei zuzenduta. Saio teorikoez gain, ikastaroan zehar lau ikastetxeren praktika ezagutuko dute, eta lehen bisita azaroaren 26an egin dute, Larraulgo Eskola Txikira. Larunbata izanik ere,... [+]


2022-06-07 | Estitxu Eizagirre
Errezilen egingo den Eskola Txikien Jaiak Maria Dolores Agirreren ibilbidea taularatuko du

Ekainaren 12an egingo da Eskola Txikien 34. jaia, Errezilen. Bertako herritarrak hilabetetan aritu dira prestaketa lanetan eta egun osoko egitarau ederra prest dute. Arratsaldean 5. eta 6. mailako ikasleek antzerkia eskainiko dute: Errezilen jaio zen Maria Dolores Agirre idazle,... [+]


Euskadiko Eskola Txikien Sarea
"Ez gara ezeren alternatiba, kalitatezko hezkuntza publikoa gara herri txikietan"

Pandemia dela medio, inbidiaz begiratu du askok eskola txikietara, bertako talde txiki, kanpoko espazio zabal eta landa eremuetara. Ikastetxe hauetatik ikasteko daukagunaz eta dituzten erronkez aritu gara Euskadiko Eskola Txikiekin, gidaritzan aldaketa eman dela aitzakia... [+]


Bittor Madina
"Eskola nazionala ez zegoen ondo, irakasle euskaldunon beharra zuen"

Eskola publikoak euskalduntzen eta metodologia modernoa aplikatzen aritua, D ereduaren aldeko borrokan. Egoera politikoa pil-pilean zegoen garai haietan, batzuentzako oraindik frankismoaren kiratsa zuen eskola hura irauli eta gaur egun ezagutzen dugun Euskal Eskola Publikoaren... [+]


Euskaraz eta landa gunekoa izateak nola salbatu duen Antzingo eskola

Herri txikia da Antzin eta ixtear egon zen bertako eskola publikoa, herriko haurrak hirietako ikastetxeetara joaten zirelako. Ikasleak erakartzeko, euskarazko D eredua ezartzea erabaki zuten, eta horri gehitu behar diogu pandemia garaian landa guneko eskolei balio handiagoa... [+]


Eguneraketa berriak daude