Akordioa lortzeko azken saiakera egingo dute Junts Pel Sík eta CUPek
CUPek Artur Mas presidente ez izendatzeko hartutako erabakiaren ondoren, prozesua berriz bideratzeko azken saiakera egingo dute bi indar politikoek ostegunean.
Erlojuz kontrako bilera izango da, emaitzari emango ez balu urtarrilaren 10ean automatikoki hauteskunde berriak deitu beharko lituzketelako Katalunian.
ANC erakundeak bultzatu du azken saiakera hau, baita egoerak ere, ez Junts Pel Sík, ez CUPek ez baitute agertu nahi azken momenturaino saiatu ez zirenak bezala.
Nolanahi, azken orduetan ez da jarrera aldaketa nabarmenik gertatu. CUPek Mas ez inbestitzeko hartutako erabakia berretsi du eta Junts Pel Sík ez dago gai horretan atzera egiteko.
Koalizioko kide den ERCn agertu dira Masekin ahots kritikoak –Joan Tardá kasu– jarduneko presidenteari "alde batera egiteko" eskatzen, baina gaiari buruz galdetuta, Raül Romeva Junts Pel Síko zerrendaburuak ez zuen euren presidentegaia auzitan jarri asteazkenean.
Egoera horretan, ANCk mobilizazioak deitu ditu Katalunia osoan ostegun arratsalderako. Helburua, bi indarren arteko akordioa exigitzea Katalunian prozesu konstituziogile bat abian jartzeko. Zita nagusia 19:30ean izango da Bartzelonako Sant Jaume plazan.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]