ARGIA.eus

2021eko irailaren 16a

'Aizu!' aldizkariak 25 urte bete ditu


2006ko azaroaren 30a

1981ko Durangoko Azokan kaleratu zen Aizu! aldizkariaren 0 zenbakia. Orduz geroztik 25 urte pasa dira jada eta 312. zenbakia ibilbide oparo horren isla da. Atzo (29) aurkeztu zuten 2006ko abenduko zenbakia Bilboko Kalderapeko Kulturgunean. Eñaut Mitxelena aldizkariaren koordinatzaileaz gain, han izan ziren proiektua martxan jartzen lagundu zuten Bilboko euskara irakasle eta ikasleetako bi: Esther Zarandona eta Amaia Montorio. Sortu zenetik Aizu! euskara ikasleentzako tresna oso baliagarria izan dela azpimarratu zuten, bereziki 1983ko azaroan AEKrekin bat egin zuenetik. Atzo aurkeztu zuten zenbakia berezia da. Besteak beste, aldizkariak 1981az geroztik kaleratutako 25 elkarrizketa, 25 erreportaje eta AEKri buruzko 25 albiste jaso dituzte bertan. Bestalde, urteurrenaren harira, aldizkariaren azalez osatutako erakusketa ibiltaria prestatu dute. Uneotan Kalderapekon dago ikusgai. Gainera, bihar jai bat egingo dute bertan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

Azkenak
Argia buletina
Egunaren laburpena
zure e-postan
Eguneraketa berriak daude