Aita Mari ontziak 47 migratzaile erreskatatu ditu Maltako uretan
Alarm Phone izeneko GKEaren deiari erantzunez jo du Aita Marik 47 migratzaile dituen patera erreskatatzera. Hasierako asmoa ez da migratzaileak Aita Marira igotzea, Maltak laguntza bidali arte laguntzea baino.
Siziliatik (Italia) Pasaiara (Gipuzkoa) bidean zihoan Aita Mari ontzia, Covid-19aren pandemiak erreskate lanak egitea oztopatu baitio. Beraz, zenbait hilabetez Siracusako (Sizilia) portuan egon ostean Euskal Herrirako bidea hartua zuen, izurriteak iraun bitartean Pasaiako portuan ontziaren mantentze lanei ekiteko.
Alarm Phoneren deiak, ordea, bere bidea desbideratu du. Lau ontziren abisua jaso zuen GKE euskaldunak, 250 migratzaile ingururekin guztira; laugarren ontziarekin harremana galdua zuten eta litekeena da itsasoan galduta egotea, 87 pertsonarekin.
Abisua jasotakoan, Maltako Gobernuaren erantzunaren zain gelditu zen GKEa, itsasontzia ez baitago egoerarik onenean, eta beren asmoa Euskal Herrira joatea baitzen. Baina erantzunik jaso ez zutenez, erreskate lanei ekin zien. Aurkitutako ontziko 47 pertsonen osasun egoera aztertu du Maltatik helikopteroz bidalitako mediku batek; horietatik sei lagunek konortea galdu zuten eta emakume haurdun bat dago. Pertsona horiek Aita Marira eramateko baimenaren zain dago itsasontzia, azken datuen arabera.
Apirilaren 13 goizean Maltak migratzaileen artean salbamendu-jakak, ura eta janaria banatzeko baimena eman du. Gainontzeko ontzien erreskateari dagokionez, Aita Mari eztabaidatzen ari da zer egin.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]