88,9 milioi euroko diru-sorta adostu dute Elkarrekin-Podemosek eta Jaurlaritzak 2020rako

  • 2020koak eta hurrengo urteetarakoak kontuan hartuta 200 milioi euroko diru-saila adostu dute Elkarrekin Podemosek eta Eusko Jaurlaritzak.

ARGIA @argia
2019ko abenduaren 09a
Ezkerrean Pedro Azpiazu Ogasun sailburua eta Lander Martínez Elkarrekin-Podemoseko bozeramailea. Argazkia: Juanan Ruiz / Foku.

Aurrekontuetan abstenitu egingo dira koalizioko bi alderdi politiko, Podemos eta Equo. Dena dela, biek haien militanteei galdetuko diete ea ados diren egindako itunarekin. Aurrekontuak luzatzea nahi duten ala lortutako hobekuntzak biltzen dituen aurrekontuak onartzen dituzten galdetuko diete. Ezker Anitzak, koalizioko beste alderdiak, ezezko botoa emango du.

2020an ia 89 milioi euro zertarako erabili erabakiko du Elkarrekin-Podemosek eta 112,6 milioi euro hurrengo urteetan. Lander Martínez Elkarrekin-Podemoseko bozeramaileak adierazi duenez, “akordioak balioko du hurrengo krisi ekonomikoaren aurrean ezkutu gisa egiteko eta familiak, enpresak eta gazteak babesteko”.

Martínezek esan du, diru-saila, besteak beste, diru sarrerak bermatzeko errenta %4 igotzeko baliatuko dutela eta Haurreskolak partzuergo publikoko eskoletako matrikulazioen prezioak %10 jaisteko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


EAEko aurrekontuak 2020 kanaletik interesatuko zaizu...
Eguneraketa berriak daude