500.000 plastikozko poltsatik gora aurreztu ditugu aldizkariak zorro konpostagarrietan bidaltzen ditugunetik

  • 2019ko urrian hasi ginen aldizkaria patata fekulazko zorroetan bidaltzen. Aldaketarekin, urtero 200.000 plastikozko poltsa baino gehiago aurrezten ditugu.


2022ko uztailaren 01an - 15:35

Nazioarteko Plastikozko Poltsarik Gabeko Eguna da uztailaren 3a, eta une egokia iruditu zaigu kalkulatzeko ARGIAk zenbat plastikozko poltsa erabiltzeari utzi dion. Izan ere, 2019ko urrian eman genuen denboran egikaritu nahirik genbiltzan pausoa: aldizkariak bidaltzerakoan, plastikozko poltsarik ez erabiltzea. Orduko hartan ateratako kalkuluen arabera, aldaketarekin urtean 200.000 plastikozko poltsa gutxiago erabiliko genituen aurrerantzean. Bada, ordutik bi urte eta erdi pasatxo iragan diren honetan, gutxienez 500.000 plastikozko poltsa aurreztu ditugu.

“Hondakinak gutxitu behar genituela argi genuen, plastikoa kendu behar genuela gure produktu guztietatik, min ematen baitzigun. Ikusten genuen aukerak bazeudela aldatzeko”, azaldu zuen Bego Zuza ARGIAko lehendakariak erabakiaren berri ematerakoan. 2019ko udako oporraldia aurretik aldizkariak poltsa konpostagarrietan bidaltzeko aukerarik ba ote zegoen galdegin zion ARGIAk enpresa taldeko Antza inprimategiari. Zailtasun bakarra ez zen material konpostagarriz egindako poltsak bilatzea, Antzako makinariarekin bateragarriak ere izan behar ziren. Zailtasunak zailtasun, “denok ikusi genuen oso interesgarria zela hori lortzea, ez guretzat bakarrik, baita beraiek inprimatzen dituzten beste aldizkarientzat ere". Hala bada, opor osterako aurkituak zituen Antzak patata fekulaz egindako zorroak, eta urrian egin genuen plastikozko zorroetatik patata fekulazkoetara jauzia.

Ideala aldizkariak zorrorik gabe bidaltzea litzatekeen arren, Correos posta zerbitzuaren baldintzetako bat da helbideak etiketatzea eta zorroetan sartzea. Beraz, baldintza horien baitan, zorro konpostagarriena zaigu ingurumenarentzat jasangarriena den aterabidea. Halere, aldizkariaren banaketa prozesuan ere ari gara burujabetzarantz jauziak ematen, eta 2021etik aldizkariak bizikletaz banatzen dituzte tokian tokiko kooperatibek Gasteizen, Donostian, Iruñean, Irunen, Hondarribian eta Hendaian. Gutxika baina etenik gabe, urratsak ematen ari gara aldizkariak ARGIAko komunitateko kide guztien etxeetara bizikletaz eta plastikozko zorroan bildu gabe hel daitezen. Ekonomia sozial eraldatzaileko proiektu garen heinean, eguneroko jarduna ingurumenarekiko errespetagarriagoa bilakatzea baitugu xedeetako bat.


Kanal honetatik interesatuko zaizu: Ingurumena
Amazonek Nafarroan "eskala handiko" bi zentral fotovoltaiko eraiki nahi dituela dio

Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]


Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]


2024-05-20 | Usurbilgo Noaua
Erraustegia geratzeko protesta planta atariraino eraman dute

Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.


Eguneraketa berriak daude