500 pertsonak lortu dute goizaldean Ceutako hesia gainditu eta Europar Batasunean sartzea
Ostiral goizaldean, 500 bat pertsonak lortu dute Ceutako hesia gainditu eta Europar Batasunean sartzea, etorkinekin lan egiten duten elkarteek jakinarazi dutenez. 700 lagun inguru izan dira Maroko eta Espainiako estatuaren arteko muga igarotzen saiatu direnak, BBCk jaso duenez. Hesiak eragindako zauriak gorputzean, pozez oihuka iritsi dira hirira. Gurutze Gorriak hainbat zauritu artatu ditu.
Faro de Ceuta hedabideak egindako azpiko bideoan ikus daiteke ze poz eman dien Afrikatik ihesean diren pertsonei Europar Batasunak Ceutan jarria duen sei metroko hesia gainditzeak. Bizitza hobe baten ametsarekin, Europar Batasuneko bandera edo Espainiako estatukoa lepotik zintzilik sartu dira bat baino gehiago, "boza" ("askatasuna") eta "ongi etorri Europara" esanez, bideoan ikus daitekeenez.
Etxe batetik grabatutako bideoa.
200 pertsona inguru Marokoko eta Espainiako poliziak geratu ditu. Enfrentamenduak izan dira.
Azken saiakera masiboa urte berri egunekoa izan zen. Muga bera gainditzen saiatu zen 1.100 laguneko migrante taldea. Bik soilik lortu zuten muga gainditzea, eta hesiak eragindako zauriengatik ospitalera eraman behar izan zituzten.
Tarajal hondartzatik sartu dira. Hiru urte bete dira leku berean 15 lagun hil zituztenetik itsasotik sartu nahian ari zirela Espainiako Poliziak gomazko pilotak eta gas negar eragilea bota zielako. Orain gutxi kaleratu duten eta hondartzaren izena daraman Tarajal dokumentalak hautsak harrotu ditu, mahai gainean jarri baitu biktimen mina eta justizia eske dabiltzan elkarte eta lagunen aldarria. Sarean ikus daiteke gaztelaniaz.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]