450 euroko zigor eskaerak 30 pertsonari AHTren aurkako mobilizazio batean parte hartzeagatik
2013ko azaroan bi pertsona Nafarroako Foru Aldundiko balkoiko banderetara kateatu ziren AHTren aurka eta tartalarien alde. Babesa ematera bertaratu ziren 200 pertsona eta horietatik 33k isuna jaso zuten. Orain Iruñeko Administrazio Epaitegiak isun horien inguruan erabakiko du.
Ekintza burutu zuten bi pertsonak atxilotu egin zituzten eta isundu zituzten 33 pertsonetatik 19k jo zuten Administrazio Epaitegira. Zigorra 450 eurokoa izan zen.
Hiru epaiketa egongo dira. Lehena datozen egunetan, zeinetan bederatzi pertsona epaituko dituzten Iruñeko Administrazio Auzietarako 2. Epaitegian. Hurrenak irailaren 20an –bost pertsona epaituko dituzte– eta azkena abenduaren 1ean , gelditzen diren bost lagunekin. Hala ere, Mugitu! AHTren aurkako mugimenduak adierazi du abokatua bakarrik joango dela, kaltetuen kasuan ez baita nahitaezkoa.
“Zigor politikoa dela iruditzen zaigu”
Mugitu! mugimenduak salatu egin du ez dakitela zein izan den isunak ezartzeko irizpidea. Ez zen identifikaziorik egin eta beraz isunak irudien bidez jarri zituztela argudiatu dute, baita multa jaso zuen lagun bat ez zela bertan egon ekintza gauzatzen ari zen bitartean ere.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.
"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".