40 gazteren kontrako epaiketaren hirugarren eguna eta lehen faseko azkena
Hiru zatitan banatutako epaiketaren lehen faseko azken eguna dute gaur Segiko izateaz akusatutako 40 gazteek. Azken hamabi geratzen dira deklaratzeko, eta atzo, astelehenean bezalaxe, tratu txarrek eta buruz ikasi beharreko deklarazioek hartu zuten lekua Espainiako Auzitegi Nazionalean.
Atzo deklaratu zuten hainbat gaztek poliziaren esku egon bitartean jasandako torturak eta mehatxuak salatu zituzten. Presiopean egindako deklarazioak izan zirela azaldu zuten, eta epailearen aurrera joatean guztia ukatu zutela.
Testigantza gogorrak entzun ziren bigarren egunez Auzitegi Nazionaleko gelan, eta zenbaitek egun horiek gogoratuta ezin izan zion negarrari eutsi.
Guztiek ukatu zuten fiskaltzaren akusazioa: talde terroristako kide izatea. Bestalde, aldarrikatu zuten ekintza politiko eta publikoetan parte hartu izana eta gazte asanbladez, festa batzordeez, jaialdiez, aisialdiko taldeez edo ikasle sindikatuez hitz egin zuten.
Twitter bidez #libre, #ElkartasunetikKonpromisora eta #libreMadrildik etiketen bidez segi daiteke epaiketa zuzenean.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.