ARGIA.eus

2022ko abuztuaren 17a

2022ko Diada manifestazioa izango da: "Itzul gaitezen irabaztera, independentzia"

  • Assemblea Nacional Catalana-k antolatu duen manifestazioaren nondik norakoak azaldu dituzte eta berriz ere Europako manifestaziorik handiena bilakatu nahi dute.

2021eko Diada. Argazkia: Jordi Borràs-ek Twitterren eskegia.
2022ko uztailaren 29a

"Tornem-hi per vèncer: independència" (irabazteko itzul gaitezen: independentzia) lelopean itzuliko da aurten Diadako manifestazioa. Assemblea Nacional Catalanak deia egin du amore ez emateko gizarte zibilaren etengabeko borrokan eta independentziarantz aurrera egiteko, alderdi politikoetatik harago. Dena, independentziaren aldeko indarraldi berri bat prestatzeko.

Pandemia iritsi zenetik Europan egindako manifestazio jendetsuena izan zen aurreko urteko edizioa eta aurten asmo berarekin dabiltza. Irailaren 11eko manifestazioa berriz ere jendetsua izan dadin erreferendumaren bosgarren urteurrenean.

Bartzelonan ospatuko da eta manifestazioa hirian zehar barreiatuko da. Honakoa izango da ibilbidea: Paralelo etorbidean hasiko da – hasiera Ontziola plazatik gertu izango da –, Colom pasealekutik eta Isabel II.aren pasealekutik igaroko da, eta Marques de l 'Argentera etorbidean amaituko da, Frantziako geltokiaren aurrean. Bertan Asanbladako, Omnium Culturaleko eta Independentziaren aldeko Udalerrien Elkarteko (AMI) hitzartzeak izango dira, manifestazioa antolatzen duten hiru erakundeak.

Ibilaldia markatutako bi puntuen arteko bi bideetatik egingo da, honela, paraleloan ibiliko diren bi manifestazio izango dira. Jende askok parte hartzen badu ordea, banaketa oharkabean pasatzea espero dute.

Manifestazioa 17:14an hasiko da baina gomendioa 16:30ean gerturatzea da. ANCk adierazi duenez ez da aurretik izenik eman behar, baina erakundeak adierazi du aurrerago udalerri edo auzo bakoitzari dagokion tartea kontsultatu ahal izango dela webgunean.

Kamiseta bat ere egin dute aurtengo Diada ospatzeko. Aurten beltza izango da, orain arte erabili ez den kolorea. Bertan manifestazioaren leloa agertzen da "Tornem-hi per vèncer: independència". Aurten berriro ere kontzertuak izango dira, pandemiak jo zuenetik lehen aldiz. Festa per la Llibertat, Òmnium Cultural-ek antolatzen duen jaialdia itzuliko da Lluís Companys pasealekuan honako kontzertuekin: Pets, Roba Estesa eta Lildami.

Kanal hauetan artxibatua: Katalunia independentziarantz  |  Bartzelona

Katalunia independentziarantz kanaletik interesatuko zaizu...
2022-07-19 | ARGIA
Anna Gabriel Espainiako Auzitegi Gorenean aurkeztu da eta behin behinean aske geratu da

Anna Gabriel CUPeko diputatua zen Kataluniako Legebiltzarrean, 2017ko urriaren 28an kargugabetua izan eta Suitzan erbesteratu zen arte. 2018ko uztailean bera atxilotzeko agindua eman zuen Espainiako Auzitegi Gorenak, desobeditzea egotzita eta geroztik "errebeldia"... [+]


2022-07-15 | ARGIA
4.200 errepresio kasu dokumentatu dituzte Katalunian 2017 eta 2022 artean

Òmnium Cultural elkartearen arabera 4.200 baino gehiago dira 2017ko irailaren 20tik hona Kataluniaren autodeterminazioa defendatzearren errepresaliatuak. Fronte antierrepresiboa autodeterminazioaren alde mobilizatzeko eta borrokarako tresna gisa baliatu nahi dute.


Erabakitzeko eskubidea
Jarrera aldatuta, alderdiak mugitu asmoz dator Gure Esku

Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Irakurrienak
Argia buletina
Egunaren laburpena
zure e-postan
Eguneraketa berriak daude