Espetxeratu egin dute Mugimendu Sozialistako kide lapurtar bat, 2018ko auzi bat dela eta

  • Bart Itziarren (Gipuzkoa) atxilotu eta Martuteneko kartzelan espetxeratuko dute, Gedar Langile Kazetak zabaldutako informazioaren arabera. Egoera salatzeko eta lapurtarraren askatasuna eskatzeko elkarretaratzea egingo dute ostiral honetan 19:00tan Urruñan.


2022ko maiatzaren 27an - 12:01

Antza denez, 2018ko auzi baten harira sartuko dute kartzelan. Bart atxilotu dute Itziarren, eta Eibarko polizia-etxean eduki dute. Ipar Euskal Herriko GKSk zehaztera eman duenez, Martuteneko presondegian da gaztea.

Lapurtarraren askatzea eskatzeko elkarretaratzea egingo dute ostiral honetan 19:00tan Urruñan. Egoeraren aitzinean "zapaltzen gaituen gizarte kapitalista honen aurpegi guziak errotik borrokatu beharra" azpimarratu du GKSk, antolakuntza komunistaren sustapena beharrezkotzat joz.

2018an sei hilabeteko kartzela zigorra ezarri zioten Mugimendu Sozialistako kide honi, baina etenda zegoen kausa, eta orain, atxilotu ostean, bete beharko du zigorra. Ipar Euskal Herriko GKSk adierazitakoaren arabera, lapurtarra da atxilotutakoa.


Kanal honetatik interesatuko zaizu: Mugimendu Sozialista
2024-03-15 | Gedar
Larunbatean, "estatuen indarkeria eta errepresioa" salatuko ditu EHKSk Donostian

Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.


2024-02-06 | Gedar
14.000 euroko zigor eskaera gazte batentzat, Palestinarekin elkartasunez Donostian egindako protesta bat dela-eta

Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]


Euskal Herriko Kontseilu Sozialista aurkeztu dute, komunismoa hegemoniko bihurtzeko asmoz

Aurrerantzean Mugimendu Sozialistaren erreferente politiko nagusia izango den antolakunde berria aurkeztu dute. 1.500 lagunetik gora bildu ditu Eibarko Astelena pilotalekuan eginiko ekitaldi poliikoak, Gedarrek jaso duenez. Alternatiba sozialista antolatzeko beharraz jardun... [+]


Akordioa lortu du Kontseilu Sozialistak Donostian Sukia enpresarekin, Zentro Sozialista mantentzeko

Donostiako Kontseilu Sozialistak, Defentsa Komunitatearekin batera, Donostiako Zentro Sozialistaren aurkako prozedura judiziala gelditzea eta zentroan jarraitzeko hitzarmena sinatzea lortu du datozen urteetarako.


Guztiontzat kalitatezko lan eta bizi baldintza berdinak aldarrikatu ditu Itaiak

Zaintza sektoreko langileen baldintza txarrak eta zaintza zerbitzuen kalitatearen okertzea salatu dituzte. Sektore feminizatuetan borrokan diharduten emakume langile asko batu dira mobilizazioetara; Correosek eta beste hainbat enpresak azpikontratatutako garbitzaileak,... [+]


Eguneraketa berriak daude