Twitterrek euskaratzeko gunea ireki du

  • Twitterrek bere plataforma euskaratzeko eta ondoren bere sisteman txertatzeko prest dagoela iragarri du. Bere blogean argitaratutako Sei pauso gertuago munduko pertsona guztiengana heltzeko  artikuluan iragarri dute zein hizkuntzetara ireki zuten zerbitzua: euskararekin batera, katalanera, ukranierara, grezierara, txekierara eta afrikaansera. 140 milioi erabiltzaile aktiborekin, Twitter egungo teknologia berrien alorrean mundu mailako enpresarik garrantzitsuenetako bat da. Zenbait kanpainaren ostean hartu du erabakia.

2012ko maiatzaren 17a
Twitter euskarara irekitzeko eskatzen zuen irudia.

Twitter egun 28 hizkuntzatan erabil daiteke. Enpresak emandako datuen arabera, milioi erdi bat itzultzaileko komunitateak lagundu du lan horretan. Euskaratzea eskatzeko zenbait kanpaina egin dituzte erabiltzaileek sarean, ARGIAko kazetari Lander Arbelaitzek hasitakoa, edo Joseba Kamiok "Maite zaitugu, maita gaitzazu zuk ere" lemapean abiatutakoa.

Euskaraz itzultzeko gune honetan eman behar da izena eta esaldiak banaka itzultzen joan.

Dena den, albistea zabaldu zenean sare sozialean erabiltzaile batek proposatu zuenez, indar metaketa hau software librea darabilten proiektuak itzultzeko baliatu behar luke euskaldunen sareko komunitateak.

Azken hilabetean Identi.ca itzuli zuten librezale.org-eko erabiltzaileek eta Whatsapp aplikazioak ere bere itzulpen zerbitzua ireki zuen euskaratze lanak egiteko.

Kanal honetan artxibatua: Twitter

Twitter kanaletik interesatuko zaizu...
2018-02-01 | ARGIA
Bi urteko kartzela zigor eskaera mantendu du fiskalak, Twitterren iritzia eman zuen Barakaldoko gazte batentzat

Madrilgo Auzitegi Nazionalean Kaiet Prieto Twitter erabiltzailearen kontrako epaiketa hasi da gaur. Fiskalak haren kontrako 2 urteko kartzela zigor eskaera mantendu du, hainbat txiotan euskal presoen egoeraz edo ETAko kide ohien inguruan iritzia emateagatik.


Auzitegi Nazionalera joateari uko egin dio La Haine eta Ahotsako kolaboratzaile batek

Terrorismoa goratzea egotzi diote Ahotsa.info-ko eta LaHaine-ko kolaboratzaile Ruben Ollo Olazti-ri eta prentsa ohar baten bidez ohartarazi du "desobedientzia" ariketa egin, eta ez dela epaitegira azalduko.


2017-12-20 | Miren Osa Galdona
Eusko Jaurlaritzak 114.000 euro gastatu ditu hiru Twitter konturen kudeaketan

Urtean 90.750 euro gastatzen ditu Eusko Jaurlaritzak Twitterreko kontu ofiziala kudeatzen. Enpresa pribatu bat arduratzen da horretaz. Hala ere, sailburuek eta organo independenteek beste aholkularitza enpresa bat izateko eskumena dute. Iñaki Arriola Etxebizitza eta Garraio sailburuek eta Pedro Azpiazu Ogasun sailburuek, esaterako, euren kontu pertsonalaz arduratzen diren enpresa bana dute. Orotara, 114.495,85 eurotakoa izan da hiru Twitter kontuen orain arteko kostua.


2017-12-03 | Axier Lopez
Agur eta ohore adierazpen askatasuna

Adierazpen askatasunaren mugei buruzko eztabaida gosea baino zaharragoa da. Ezin konta ahala iritzi daude, gaia filosofiaren mailaraino eramanez. Espainiako erregimenean, ordea, ez dago zalantzarako tarterik. PPren eskutik, arauz –Mozal Legeak– eta epaiz josten ari da autozentsura ideologikoa. Gurpil errepresiboaren azken itzuliak Andeka Jurado harrapatu du: Twitterren bertxiotzeagatik lehen zigortua da.


2017-11-28 | Axier Lopez
Agur eta ohore adierazpen askatasuna

Adierazpen askatasunaren mugei buruzko eztabaida gosea baino zaharragoa da. Ezin konta ahala iritzi daude, gaia filosofiaren mailaraino eramanez. Espainiako erregimenean, ordea, ez dago zalantzarako tarterik. PPren eskutik, arauz –Mozal Legeak– eta epaiz josten ari da autozentsura ideologikoa. Gurpil errepresiboaren azken itzuliak Andeka Jurado harrapatu du: Twitterren bertxiotzeagatik lehen zigortua da.


2017-11-22 | ARGIA
La Haineko 'Boro' kazetariaren aldeko elkartasun kanpaina abiarazi dute

Azaroaren 30ean egitekoa da Espainiako Auzitegi Nazionalean Armiarma operazioaren barruan auzipetutako Boro kazetariaren aurkako epaiketa. Haren aldeko elkartasun kanpaina hasi da Twitterren, #AplastaLaAraña (Zanpatu armiarma) etiketarekin. Urtebete eta zortzi hilabeteko espetxealdia eskatu du fiskaltzak La Haine eta Kaos en la Red-eko kazetariarentzat.


Satorren herriko bromak

Ados, ez dagoela ondo erremateko mazoa jaso duenaz trufatzea. Baina ezer baino lehen, esan behar da broma guztiak ez direla berdin jujatzen, ez baita moral kontua, botere-afera baizik.


2017-11-20 | Lander Arbelaitz
Nola isilarazi jendea sare sozialetan?

Laster hilabete Alfredo Remirez Erreharria espetxean daukatela. Twitterren iritzia emateagatik Espainiako Estatuan espetxeratu duten lehena da amurriarra.


2017-11-17 | Andoni Mikelarena
Bertxiotzea delitua bada, zer da "atsegin dut" ematea?

Urte eta erdiko kartzela zigorra ezarri diote herritar bati, ustez “terrorismoa” goratzen zuen mezu bat bertxiotzeagatik.


2017-11-08 | ARGIA
Zer egin dezake euskaldun batek Twitterren 280 karaktererekin?

Goizean eman du albistea Twiterrek. Orain arte 140 karaketereko mezuak idatzi zitezkeen, baina orain muga hori 280 karakterera zabaldu du.


Azkenak
Eguneraketa berriak daude