AEBetako 10.000 webgunek baino gehiagok, tartean Googlek eta ingelesezko Wikipediak protesta eguna dute gaur. AEBetako Gobernuak onartu nahi duen SOPA –edo Stop Online Piracy Act– proiektuaren aurka daude, Espainiako Sinde edo Frantziako Hadopiren baliokidea. Protestara batu diren beste webgune batzuk Reddit, Mozilla, BoingBoig, Free Software Foundation, Wordpress eta Twitpic dira.
Euskal Herrian goizeko 6:00ak zirenean hasi da. Ingelesezko Wikipediak orri beltz batera bideratzen du erabiltzailea, eta egun osoan ez dela erabilgarri egongo azaltzen dute. Googlek orri honetara lotura jarri du azalean.
Itzalaldiak eta lege proiektuaren aurkako ekintzak Twitter bidez jarrai daitezke #STOPSOPA etiketarekin. Honez gain, Androidek Boycott SOPA aplikazioa proposatu du, lege proiektua zein enpresek babesten duten jakin eta erabiltzaileak hauei boikota egitera animatzeko.
SOPA lege proiektua onartzen bada, egile eskubideek babestutako lanen (liburu, musika, film eta abarren) deskargak onartzen dituzten webguneak itxi ahal izango ditu AEBetako gobernuak. Halaber, webgune horietan iragarkiak jartzen dituztenei hori egitea debekatu eta webguneak baliabiderik gabe utziko ditu.
Inongo epaileren parte hartzerik gabe egingo du hori gobernuak, eta ez du garrantzirik izango webgunea zein herrialdetan ostatua dagoen.
Gasteizko dozena bat ikastetxe eta institutuk pasa den astean egin zuten publiko komunikatua, eta astelehen honetan Bilboko beste hogei eskola batu zaizkie, publiko zein Ikastola. ELA, LAB eta Steilas sindikatuak ere tartean daude. Sinadura bilketa abiatu dute.