"Palestinako mugimentu ez-biolentoarekin izututa dago Israelgo segurtasun estabilshmenta"

  • Israelek independentzia aldarrikatu zuela 70 urte betetzear direnean, palestinarren protestek aurrera jarraitzen dute okupazioaren aurka. Gazako Osasun Ministerioaren arabera, 33 palestinar hil dituzte soldadu israeldarrek azken hiru asteetako protestetan. "Itzulerako Martxa Handia" kanpaina egiten ari dira, Israelek ehunka milaka palestinar beren etxeetatik kanporatu zituztela oroitarazi eta itzultzeko eskubidea aldarrikatzeko.

Lander Arbelaitz @larbelaitz
2018ko apirilaren 20a

Palestinako autoritateek estimatzen dute 4.300 palestinar zauritu dituztela protesta baketsu hauetan. Gazako autoritateek salatu dute Israel berariaz ari dela kazetari eta medikuak jo-puntuan jartzen.

Protestak hasi direnetik, kazetari bat hil dute –Yaser Murtaja– eta beste 66 kazetari zauritu. Horrez gain, 44 mediku zauritu dituzte eta 19 anbulantziaren aurkako erasoak egin.

Protesta-kanpaina honek maiatzaren 15a bitarte irautea aurreikusten da, Israelen Independentzia Egun ofiziala, eta Palestinarren Nakba Eguna, hau da, Hondamendiaren Eguna.

Democracy Now hedabide amerikarrean Columbia Unibertsitateko Ikasketa Arabiarretako irakasle Edward Said elkarrizketatu dute. Bere hitzetan nabarmentzekoa da fase berri baten hasiera. "Ia bere osotasunean mugimendu ez-biolentoa da. Israeldarrak saiatzen dira fokoa jartzen, aldarrikatzen, palestinarrak biolentoak direla eta harriak botatzen dituztela, baina literalki dozenaka milaka lagunek hesira egiten dituzten martxak dira, bertan kanpaldia egiten dute, protesta ekimenak aurrera ateratzen dituzte eta ehunka milaka bala tiro egiten dizkiete. Zenbakiek bere kasa hitz egiten dute, milaka lagun zauritu dituzte eta dozenaka hil".

Bere ustez, "Palestinako mugimentu ez-biolentoarekin izututa dago Israelgo segurtasun estabilshmenta". "Palestinarrek biolentzia erabiltzen duten edozein narratiba erraz dominatzen dute israeldarrek. Baina palestinarrak hesira oinez joan eta beren eskubideak eskatzen dituzten narratiba oso deserosoa zaie".

Nermeen Shaikh kazetariak galdetu dio ea lehen aldia den Israelek hain modu "desproportzionatuan" erantzun duena, eta Khlidik ezetz erantzun.

"Palestinako protesta ez-biolentoak dira dudarik gabe herri honen historian gutxien kontatu diren gertaerak. Arreta handia jartzen dugu ekintza biolentoetan. Baina Lehen Intifada, adibidez, nagusiki ekintza ez-biolentoa zen. Hiru edo lau urtez, palestinarrek protesta masibo ez-biolentoak egiten zituzten. Errepresio latzarekin egiten zuten topo beti. Isaac Rabin-ek "hautsi beren hezurrak" agindua eman zien soldaduei defentsa ministro zela. Beraz, ez da lehen aldia israeldarrek biolentzia hain modu desproportzionatuan erabiltzen dutela. Hala ere, uste dut ez direla sekula puntu honetara heldu, non literalki tiro egiten ari diren oinez doazen milaka lagunen aurka".

Kanal hauetan artxibatua: Palestina  |  Israel  |  Gazaren aurkako sarraskia

Palestina kanaletik interesatuko zaizu...
2018-05-20 | Axier Lopez | Ohiane
70 urte eta Davidek ez du etsi

Israelgo Estatu sionistak 70 urte bete ditu maiatzaren 14an. Ezin laburbildu liteke lerro hauetan 70 urteotan eragindako minaren zerrenda, palestinar, siriar eta libanoarrei indarrez lapurtutako lurretan.


Erraietatik madarikatzen zaituztet

Aurreko bi kolaborazioetan ez bezala, oraingo honetan beste gai batez aritu nahiko nukeen; baina errealitate tematiak etengabe Palestinara narama. Gaur Nakba eguna da, hondamendiarena. Gaur, 2018ko maiatzaren 15ean, 70 urte betetzen dira mugimendu sionistak Israelgo estatua alde bakarrez aldarrikatu zuenetik; ospakizun eguna palestinarren garbiketa etnikoaren defendatzaileentzat eta zorigaiztoko efemeridea zazpi hamarkada geroago, amaigabeko gurpil zoro makabro batean murgilduta izanagatik,... [+]


2018-05-16 | Axier Lopez
Israelgo Gobernuak dio tiro egin diela palestinarrei "ezin dugulako hainbeste jende espetxean sartu"

Netanyahuren Gobernuak, AEBetako Gobernuaren antzera, lehen unetik babestu du Israelgo armadaren jarrera oldarkorra. Horren froga da Israelgo Gobernuaren eledun Michal Maayanek Irlandako RTÉ News kateari esandakoa.


2018-05-16 | ARGIA
Palestinarrak sorosten ari diren mediku eta laguntzaileak ere tirokatu ditu Israelek

“Behar bezala identifikatuta eta behar zen lekuan nengoen, oso esperimentatuta nago. Frankotiratzaileak niri tirokatzea ez zen hutsegitea izan”. Horrela kontatu du Tarek Loubani mediku kanadarrak, astelehenean Gazako protestetan palestinar zaurituak sorosten ari zen bitartean Israelgo armadak hankara tiro egin zion unea. Tiroketan, Loubaniren laguntzailea hil zuten militar israeldarrek. Protestak hasi zirenetik, mediku eta laguntzaileen aurkako 229 eraso salatu ditu Osasunaren Mundu... [+]


2018-05-16 | ARGIA
BIDEOA | Honela egin die eraso Israelgo armadak kazetariei

Al Jazeera hedabidearentzat lan egiten duen Hoda Abdel-Hamid kazetariak bideo labur bat zabaldu du Twitter bidez, zeinean ikusten den Israelgo armadak Gazako sarraskiaren berri ematen ari diren kazetariei eraso egin ziela.


2018-05-16 | Arabako Alea
Israeli boikota egitera deitu dute Gasteizen, Palestinaren aldeko elkarretaratzean

Israelek 62 palestinar hil dituela salatu dute, eta Nakba eguna gogoratu dute. 

 


Al Nakba

Amesgaizto batetik esnatzen gareneko itolarri sentsazioa bularraldean, irudika al dezake inork itolarri horrekin bizitzea, bizirautea. Irudika al dezake inork norbere herrian bertan deserriratzea, etxea utzi behar izan eta 70 urte luzez itzuli ezin izatea. Maiatzaren 15a Nakba edo hondamendiaren eguna da palestinarrentzat. Palestina ez da lokartzen, eta ez daude ametsetan, errealitate gordina dute parez pare eta begi bat ez, bi begi zabalik izanagatik ere makinaria sionistak kontrolatzen dizkie... [+]


2018-05-15 | ARGIA
Nakba oroitu eta Gazan gertatzen ari dena salatzeko elkarretaratzeak gaur hiriburuetan

Israelgo estatua eratu zela 70 urte betetzen diren honetan, Israelek sarraskia eragin du beste behin Gazan. Nakba oroitzeko hiriburuetan deituta zeuden elkarretaratzeetan Gazan gertatutakoa salatuko da.


2018-05-15 | Miren Osa Galdona
Israelek astelehenean hildako 60 palestinarren izen-abizenak eta adina

Azken kontaketaren arabera, gutxienez 60 palestinar hil eta 2.400 zauritu ditu tiroz Israelgo armadak Gazan; 2014tik Israelek egun bakar batean hiltzen dituen zibil kopuru handiena da. Middle East Eye hedabideak biktimen izen-abizenak eta adinak jaso ditu sarraskien biharamunean. Guztiak gizonezkoak dira eta 14 urtetatik 35 urte arteko adina zuten. Gaur jakin da hilen artean dagoela 8 hilabete haur bat ere: Laila Anwar Al-Ghandoor.


2018-05-14 | ARGIA
58 palestinar hil ditu Israelek, AEBek enbaxada Jerusalemera eramatearen aurkako protestetan

Astelehen benetan iluna gertatu da maiatzaren 14a Palestinako Gazan. AEBetako enbaxada Jerusalemera lekualdatzearen aurkako protesten kontra tirokatu du Israelgo Armadak, gutxienez 58 hildako eta 1.500 zauritu eraginez. Zenbakiak etengabe doaz gora.


Azkenak
EGILEA
Eguneraketa berriak daude