Olibondoak Palestinan okupazio israeldarraren aurka
Nekazari eta boluntario palestinarrek olibondoak landatu dituzte Israelek Zisjordaniako lur gehiago konfiskatzeko agindua eman ostean. Israelek emaniko agindu militarrak jabetza pribatuko hiru dunam lur –3.000 metro koadro– uztera behartu ditu, “segurtasun arrazoiengatik”.
Israelgo armadak konfiskatu dituen lurrak Yitzhar israeldar kolonoen kanpamendutik gertu dago, Asira Al-Qibliya herrian, Zisjordanian. Yitzhar Zisjordaniako kanpamendu erradikalenetako bat da, Od Yosef Chai taldearen bizileku. The New York Times egunkariak “bastioi erradikal” gisa definitzen ditu. Bertako kolonoak ezagunak dira sarritan zibil palestinarrekin eta armada israeldarrarekin talka egiteagatik. Talde horrek palestinarren aurkako erasoen defentsa egiten du, Israelgo gobernuak lurralde okupatuetan daraman politiketan presio egiteko.
Agindua urtarrilaren 12an eman zuten eta egun zaintza dorre bat dago bertan. Armadak 50 palestinarrez osatutako taldeak lurrak landu eta olibondoak landatzea galarazten saiatu zen, baina 30 zuhaitz landatzea lortu zuten kanporatu aurretik.
Hona gertatutakoaren argazki galeria, +972 magazine-en eskutik:
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Aste nekagarri bateko igandea da. Gauza gutxi egiteko, nahiz eta beti egon zeregina etxean, urgentziazkorik ez oraingoan. Dolce far niente-rako aproposa, eguraldia ere dudakoa delako. Etxean geratzeko egun egokia. Herrian, baina, eguerdirako manifestaziora deituta dago Gazaren... [+]
Maiatzaren 11n ospatuko da Suedian Eurovision jaialdia eta Israelen parte hartzeak kritika ugari sortu ditu. Europako milaka artista eta ehunka antolakundek jaialdiari boikota egiteko deia egin dute. Aurten Malmö hirian izango da ekitaldia eta aurreko egunetan, milaka... [+]