NATOren goi bilera salatzeko ekintza antimilitarista egin dute Bilbon
Ekintza zuzen ez-biolentoa egin dute Bilboko KEM-MOC talde antimilitaristako kideek asteazken arratsaldean, Bruselan NATOren goi-bilera egiten ari direla salatzeko.
Europa osoko ekintzaileak salaketa eta blokeo ekintzak garatzen ari direla mahai gainean jarri dute. Beren ekintzan, ironiaz bideratu dute Espainiako itsas komandantziak Bilbo erdigunean duen eraikinetik ondoan dagoen hondakin-edukiontzi batera Espainiako defentsa ministro Maria Dolores de Cospedalek zuzentzen zuen konboia.
NATOko herrialdeen gastu militarra BPGaren %2 izan arte handitu dutela salatu dute. "Diru piloa zaborretara botatzea bezala da, nahiz eta hobe legokeen zaborretan. Gerra, suntsipena eta armamentu norgehiagoka bermatzea baita xedea, eta honi lotuta heriotza, miseria, errefuxiatuak eta bidegabekeria", diote.
Bruselan dauden talde bakezale eta antimilitaristen mezua bere egiten dutela jakinarazi dute: "Geldi dezagun gerra! Bakean inbertitu dezagun!".
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]