Mutiloako zabortegiari aurre egiteko plataforma sortuko dute
Zabortegiak kaltetuko dituen herrietako jendeek bilera egin zuten Ormaiztegin. Gaikako bilketa indartu eta %80ko birziklapen tasa duten udalerrien eredua jarraitu behar dela ondorioztatu dute.
Mutiloako zabortegiaren inguruko herrietan ezinegon handia dago GHK-k gipuzkoarren hiri hondakinen zati handiena bertan pilatu nahi duela-eta. Kezka horren ondorioz Ormaiztegin lehen bilera egin dute urriaren 19an eta zabortegiari aurre egingo dion plataforma bat sortzeko lehen pausoa eman dute.
Bileran bildutakoek argi utzi dute ez daudela prest Mutiloan hiri hondakinak pilatzeko eta eskatu dute gai horretan ardura dutenek “herriari entzutea”. Euren ustez herri txikietako biztanle eta udalek “errespetatuak izatea merezi dute”.
Bileran Debagoienako Epele zabortegiaren adibidea izan dute aztergai, eta ondorio batera ere iritsi dira: gaikako bilketa eta birziklatzearen kontzientzia indartu behar dira. Debagoiena bera eredu izan daiteke euren ustez –eskualde horretan %80 inguruko birziklapen tasa lortu dute–, baita zabortegi ondoan dagoen Ormaiztegi udalerria ere.
Hori guztia aurrera eramateko antolatu egingo dira eta plataforma bat sortuko dute. Hurrengo geltokia Mutiloan izango da, urriaren 25ean.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]