Migrazio-kontrolak estutzearekin lotu du EBren etorkizuna Europar Kontseiluko presidenteak

  • Europar Kontseiluko presidentearen iritziz, “batasunak iraungo badu, inmigrazioarekiko jarrera irmoa hartu behar du”. Brexitaren osteko Erresuma Batuarekin harreman onak izateko deia luzatu die batasuneko kideei.

Jon Ander De la Hoz Arregi @delarregi
2016ko irailaren 14a
Donald Tuskek Europar Batasunak migranteekin izan behar lukeen jarreraren inguruko hausnarketa plazaratu du.

Brexita eztabaidaren erdigunean kokatuko bada ere, zenbait gai aztertuko dituzte Europar Batasuneko kideek –Erresuma Batuak izan ezik– asteazkenetik aurrera Bratislavan egingo duten bileran. Gai horien inguruan aritu da Donald Tusk Europar Kontseiluko presidentea, gutun batean: Brexitaz gain, migrazio krisia, Errusiarekiko harremanak edota jihadismoa izan ditu hizpide.

Migrazio krisiari dagokionez, Tuskek uste du “egoerari erantzun azkar eta bateratua ez emateak gizarteak agintariengan duen konfiantza gutxitu duela”. Bere esanetan, “berebiziko garrantzia du askatasuna eta segurtasunaren arteko oreka berrezartzeak”, eta horretarako beharrezko jo du “kanpo mugen irekiera eta babesa indartzea, kontrol eraginkorra sustatzeaz gain”.

Izan ere, “migrazio krisiak kolapsoaren ertzean utzi du Europar Batasuna”. Uste du segurtasuna dela europarren kezka nagusienetako bat, eta jihadismoarekin lotu du hori: “Gure kanpo mugetako datu baseetan mundu guztia kontrolatu beharra daukagu”.

Brexita, europar guztien ardura

Tuskek Brexita britainiarren arazotzat soilik ez hartzeko eskatu du. Bere arabera, “galdeketaren emaitza milioika europarren eguneroko zalantzen isla da”. Zenbait adibide jarri ditu: gizartearen eta herrialde bakoitzaren segurtasuna, haien interesen babesa, kultura edota bizimodua, esaterako. Tusken arabera, “gai hoiek Erresuma Batuak EBn geratzea bozkatu arren berriz aztertu beharko lirateke”.

Brexitaren osteko Erresuma Batuarekin harreman onak izateko dei egin die Europako estatuei, baina ohartarazi du britainiarrek irteteko asmoei buruzko adierazpen ofizialik egon arte ez dela negoziaketarik egongo. Bien bitartean, EBko estatuen komunitate zentzuarekin jokatu behar dutela iradoki du.

 

Kanal hauetan artxibatua: Errefuxiatu krisi globala  |  Europar Batasuna

Errefuxiatu krisi globala kanaletik interesatuko zaizu...
2018-01-11 | Axier Lopez
Kaiene: Otxarkoagari eta errefuxiatuei irekitako proiektua abian da

Turismo gidetan agertzen ez den Bilbo horretan proiektu berria jaio da: Kaiene. Erakunde publikoen zain egon gabe, Otxarkoaga langile auzoko hainbat talde eta lagun mugitzen hasi dira espazio komun bat eraikitzeko. Javier Seco proiektukideak azaldu dizkigu helburu nagusiak.


2018-01-11 | Urumeako Kronika
Zaporeak proiektuak irekiko du larunbatean, Hernaniko txotx denboraldi berria

Eguerdiko 13:00etan emango dio hasiera, proiektu solidarioak, 2018ko sagardotegi garaiari. Aurretik, trikitilariak eta Kalez Kale Kantariko kideak ibiliko dira herriko kaleetan, eta kirikoketa erakustaldia egingo dute Plazan. Irekieraren ondoren, bazkaria egingo dute Goiko Lastolan.


2018-01-05 | Lander Arbelaitz
Israelek Afrikako migratzaileei agindu die herrialdetik joateko edo atxilotuko dituztela

Israelgo gobernuak Afrikatik herrialde hartara migratutako milaka pertsonari agindu die 90 eguneko epean herrialdea uzteko; bestela atxilotze egoeran egongo direla jakinarazi diete, mundu osoko hedabideek jaso dutenez. Lehen ministro Benjamin Netanyahuk asteazkenean aurkeztu du plana eta migranteei "infiltratu" deitu die.


2017-12-26 | Jon Torner Zabala
Nazio baten identitatea hizkuntzak definitzen du sorterriak baino gehiago, ikerketa baten arabera

Pew Research Centre erakundeak AEB, Kanada, Australia, Japonia eta Europako hamar herrialdetan egindako inkestaren arabera, hizkuntza da nazio baten identitatea definitzen duen ezaugarria, berton jaioa izatearen eta beste zenbait faktoreren gainetik.


2017-12-24 | Irantzu Pastor
"Mugetako poliziek gu torturatu ondoren, selfieak egiten zituzten gurekin"

Afganistango Nangrghar eskualdekoa da, 25 urte ditu Abdul Saboorrek. Gerran jaio eta besterik ikusi ez duten gazteen testigantza gordina da. Besterik ez zuelako AEBetako armada eta NATOrentzat egin zuen lan Afganistanen, inoiz iritsi ez zen bizitza lasaia eskaini zioten eta orain, herrialde horiek mugak itxi dizkiote. Duela hiru hilabete inguru iritsi da Euskal Herrira, gudarengatik etxea utzi eta bi urtez ihesean izan ondoren.


2017-12-20 | Euskal Irratiak
"Frantziarena, anti-migrazio politika deitzen dugu"

Baionako zentroko 25 etorkinetatik 21ek Pauerako trena hartu dute asteart huntan Italiara igorriak izan aitzin, Dublin 3 prozedurarengatik.


Gerretako ikusezinak

Gerra osteko unerik gogorrenetan ere, estraperloan edo merkatuan emakumeek erakutsi zuten adorea ikaragarria da, triskantzari aurre egin zioten “makina bat arrasta eginda”. Eta triskantzari aurre egiten segitzen dute belaunaldiz belaunaldi, transmisioaren txirikordari esker.


2017-12-13 | ARGIA
Donald Tuskek sua piztu du Europan, errefuxiatuak banatzeko kuoten aurka agertu ondoren

Ostegunean biltzekoak dira Europar Batasuneko gobernuburuak eta giroa berotu du Donald Tusk Europako Kontseiluko buruak aurretik egin duen proposamenak: batasuneko herrialdeetara datozen migranteak estatu guztien artean kuota bidez banatzea ez dela eraginkorra adierazi du.


Helduleku bat zulo beltzean

Errefuxiatuen krisiak ez du etenik, komunikabideetan haren oihartzuna apaldu bada ere. Mediterraneoa munduko hobi komunik handienetakoa da. Inoiz ez dugu jakingo zenbat lagun ito diren itsasoan, bizimodu hobe baten bila. Errefuxiatuen krisiari aurre egiteko, Europar Batasunak mugen kontrolera bideratu du indar guztia, polizia eta militarren presentzia handituz.


2017-12-06 | Miren Osa Galdona
Alemaniako hainbat hegazkin pilotuk uko egin diote errefuxiatuak deportatzeari

Errefuxiatuen asilo eskaerek nabarmen egin dute gora Alemanian. Ezezkoa ematen zaienek, euren herrialdeetara berriz itzultzeko deportazio agindua jasotzen dute. Hainbat pilotuk planto egin diote neurriari eta Afganistanera zihoazen hegaldiak bertan behera utzi dituzte. Orotara, 222 hegaldi inguru izan dira.


Azkenak
EGILEA
Eguneraketa berriak daude