Kubako Asanblea Nazionalak aho batez erabaki du konstituzioa aldatzeko proiektua
Herritarrek proiektuaren inguruan eztabaidatuko dute abuztuaren 13tik azaroak 15era bitartean, eta ondoren erreferenduma egingo da behin betiko onartu aurretik.
Parlamentuak onartutako aldaketak gehituko dizkiote testuari, eta ez dute baztertzen eztabaida eta gero aldaketa berriak gehitzea konstituzioaren erreforma egiteko proiektuari.
Lau aldaketa nagusi daude 1976ko konstituzioan: komunismoaren erreferentzien deuseztatzea, jabetza pribatuaren aitorpena, lehen ministro bat ezartzea eta ezkontzaren definizioaren aldaketa, sexua zehaztu gabe, ezkontza homoxesualei bidea irekiz.
Erreformak 113 artikulu aldatuko ditu, 87 gehitu eta hamaika ezabatuko ditu gaur egungo konstituziotik.
Esteban Lazo parlamentuko presidenteak parlamentuko eztabaida bukaeran bi aldaketa onartzea proposatu du. Lehena konstituzioaren erreforma onartzea egindako aldaketekin eta, bigarrena, testuaren eztabaida herrikoia. Nabarmendu du eztabaidak “garrantzi handia” duela, aldaketa hauek guztiak benetako hartzaileek eztabaidatuko dituztelako.
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]
Habanan egindako elkarrizketa baten bigarren atala izan liteke hau. 2011ko ekainaren 19an ARGIAren orrialdeetan mintzatu ginen Holguineko (Kuba) gotzainarekin. Francok estatu-kolpea jo zuen garaian Legazpiko alkate Daniel Arangurenen eta Emilia Etxeberriaren semea dugu, gurasoen... [+]
Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.