Kataluniako Erreferenduma: Legebiltzarrak edo Gobernuak deituko du?

  • Kataluniako Legebiltzarreko Mahaia eta Espainiako Gobernuak oporren osteko lehen bilerak egingo dituzte asteazken honetan. Hilabete eta erdi geratzen dira Kataluniako urriaren 1eko erreferendumerako eta prozesuaren azken txanpa irekitzen dute bi bilera hauek.

Xabier Letona @xletona
2017ko abuztuaren 16a
Carles Puigdemont lehendakaria Kataluniako Legebiltzarrean. (Arg.: Generalitatea)

Kataluniako Legebiltzarreko Mahaiak gaur bertan erabaki zezakeen Erreferendumaren Legea tramitera onartzera, baina horrek Espainiako Gobernuaren berehalako helegitea ekarriko luke, eta halakorik ez duela egingo pentsatzen da. Legebiltzarraren lehen osoko bilkura irailaren 6an egingo da. Orain egin ezean, JxSík eta CUPek aurrerago aurkeztu dezakete lege proposamen gisa, komeni zaien arabera.

Prozesuaren hasieratik egon da mahaiaren gainean nork deitu erreferenduma, Legebiltzarrak edo Gobernuak. Legebiltzarrak deitzeak zilegitasun handiagoa emango lioke hainbat irakurketaren arabera, baina Gobernuak egiten badu lege prozedurak laburragoak dira eta, beraz, Espainiako Gobernuak denbora gutxiago izango du helegitea jarri eta erantzuteko.

Legebiltzarreko Mahaiak Gobernuaren esku uzten badu, honek bi bide ditu. Lehenean, Kataluniako Gobernuak lege proiektu gisa aurkeztuko luke, epeak motzagoak lirateke eta gainera irakurketa bakarrarekin onartu ahal izango litzateke, Espainiako Konstituzio Auzitegiari parte hartzeko denborarik eman gabe eta, beraz, desobedientzian erori gabe. Hala ere, Konstituzionalak jakinarazi dio Legebiltzarrari, irakurketa bakarreko aldaketa bideratu zuen 135.2 artikulua bertan behera utzi zuela eta ezin duela halako biderik erabili.

Beste bidea azkarrena litzateke, Gobernuak lege dekretuz aterako luke aurrera erreferenduma arautzen duen legea eta berau indarrean legoke Kataluniako buletin ofizialean argitaratu ondorengo egunean.

Legebiltzarreko Mahaiak egunotan bideratzen badu proposamena, irailaren 6an edo 7an onartu lezake osoko bilkurak. Dekretuz balitz, irailaren 7, 8 edo 9an onar lezake Gobernuak.

Trantsizio Legea ere hor da

Abuztuaren 30ean eta 31n, halaber, Trantsizio Legea aurkeztuko da Kataluniako Legebiltzarrean, baina ez dago argi noiz eramango den bozketara. Badirudi erreferendumaren aurretik izango dela, hori da behintzat ERCk eta CUPek defendatzen dutena, hauen ustez horrela herritarrak aldez aurretik jakingo lukeelako zer gertatuko den erreferendumean baietzak irabaziko balu.

155. artikulua ez da indarrean jarriko

Aspaldiko zurrumurrua da albistea, baina egunotan iragarri du ofizialki Rafael Hernando Espainiako Kongresuko PPko bozeramaileak: Kataluniako autogobernua bertan behera uztea aurreikusten duen Konstituzioko 155. artikulua ez da indarrean jarriko Kataluniako erreferenduma debekatzeko. Hala ere, aurrera zuen beste bide batzuk badirela Konstituzioan, erabili egingo direla eta erreferenduma ez dela egingo.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
Puigdemont eta gobernukideen aurkako euroagindua atzera bota du Llarena epaileak

Puigdemont eta bere gobernukideen euroaginduak atzera bota ditu, baina espetxean daudenei ez die baldintzapeko askatasuna eman.


2018-07-12 | ARGIA
Alemaniak Puigdemont estraditzea onartu du, diru erabilera okerragatik soilik

Schleswig-Holstein landeko Lurralde Auzitegiak erabaki du legezkoa dela Kataluniako lehendakari ohi Carles Puigdemont estraditzea, ez matxinada akusaziopean epaitu dezaten baina soilik diru publikoen erabilera okerragatik. Azken erabakiaren zain, epaileek ez diote kautelazko neurri berririk ezarri eta oraingoz aske jarraitzen du Alemanian.


2018-07-02 | ARGIA
Preso politiko katalanak Kataluniako espetxeetara eramango dituzte

Kataluniako espetxeen eskumena daukan Generalitateak gaur jaso du Madrilgo Barne ministroaren komunikazioa: asteartean eramango dizkiete independentzia prozesua geldiarazteko Espainiak preso hartutako politikariak. Hedabideek zabaldu dutenez, Generalitatea beren senideekin bildu da presoak zehazki zein espetxetan kokatu familiekin batean erabakitzeko.


Independentzia 2029an, matematikoki

Figueres (Girona), 1947ko urtarrilaren 22a. Alexandre Deulofeu (1903-1978) farmazialari eta matematikaria Frantziako erbestealditik itzuli zen. 1936ko Gerran Figuereseko alkate errepublikarra izaki, 1939ko otsailean ihes egin zuen. Itzultzean, berriro ere botikan hasi zen lanean, baina ez zuen baztertu gaztetatik zeukan beste grina, historia matematikaren bidez aztertzea.


Generalitateko kontselaritza bat okupatu dute CDRek Kataluniako Gobernuak U1eko erreferendumean onartutakoa bete dezan

Espainiako Estatuaren aginduak ez betetzeko eta errepublika aldarrikatzeko eskatu diote Generalitateari.


Udaletxeko leihotik 'estelada' ez kentzeagatik, sei hilabetez ezgaitu dute Bergako alkatea

Alkateak epaiketa politikoa dela salatu du, estelada jartzea Bergako udalbatzak hartutako erabakia izan zelako.


Olivier Peter
"Delitu politikoa jende zintzoaren delitua da"

Genevan (Suitzan) erbesteratuta dagoen CUP-Crida Constituenteko diputatu ohi Anna Gabriel Sabatéren abokatua da Olivier Peter (Zurich, 1986). Giza eskubideetan, nazioarteko zuzenbide penalean eta estradizioetan aditua da. Legelari suitzar gazteari eskatu dio aholkua militante antikapitalistak. Peterri ez zaizkio elkarrizketak gustatzen, baina La Directarekin hitz egiteko prest agertu da. Bi hedabideon arteko harremana medio, ARGIAn elkarrizketa euskaraz eskaini nahi diegu irakurle... [+]


2018-06-17 | Saioa Baleztena
Beta Forn. Bidegabekeria erraietan
"Geroz eta gauza larriagoak gertatu behar dira jendea kalera ateratzeko"

Pasa den azaroaren 2an Estremerako espetxean giltzapetu zuten Joaquim Forn Kataluniako diputatuaren alabarik gazteena da Beta Forn (Bartzelona, Herrialde Katalanak, 1998). Erizaindegi ikasketen bigarren ikasturtea amaitu berri duenean, Kataluniako ordezkari independentistek bizi duten errepresioaren kontrako borrokan murgilduta dago.


2018-06-08 | David Bou
Ispilu alderantzikatua

La Directa-ko David Bou kazetariak gogora ekarri ditu duela zenbait urte kataluniarrak Euskal Herrira etortzen zirenean izaten zituzten sentsazioak. Alderantzizko egoera bizi dugu orain?


2018-05-30 | ARGIA
Atzerriko kazetariak, adi honi: Espainiari buruz ondo hitz egiteagatik dirua eman nahi dizue Moncloak

Espainiako Atzerri Ministerioak Vianako Jauregia Kazetaritza Saria sortu du, Espainiako Estatuari buruzko irudi positiboa ematen duten atzerriko kazetarientzat. Kataluniako urriaren 1eko erreferendumaren kontra erabilitako bortizkeriak nazioarteko medioetan asko kaltetu zuen Rajoyren exekutiboaren irudia eta horri aurre egiteko mugimendua dirudi.


Azkenak
EGILEA
Eguneraketa berriak daude