Jonathan Powell Donostiara itzuliko da desarme osteko egoera aztertzeko
Tony Blair Erresuma Batuko lehen ministro zenean haren kabinete buru izandako Jonathan Powell datozen orduetan Euskal Herrira iritsiko dela argitaratu du Gara egunkariak. ETAren desarmatzearekin sortutako egoera aztertu nahi du eta bilerak egingo ditu asteazkenean eragileekin.
Asteazkenean Donostiako Aiete Jauregian egitekoa zen biltzarra, bake prozesua sostengatzeko helburua zuena, bertan behera geratu zela jakin zen astelehenean.
Aieteko Adierazpenaren sinatzaileak bildu behar zituen ekitaldiak, haien artean Bertie Ahern, Irlandako lehen ministro ohia, Gerry Adams Sinn Féineko presidentea eta Jonathan Powell bera.
Bertaratu behar zirenen agenda arazoak eta desarmearen egiaztatzaileek Espainiako Auzitegi Nazionalean deklaratu behar izan zutela kontuan hartuta, bilkura egiteko momentu egokia ez zela erabaki zuten antolatzaileek.
Hala ere, Powell Euskal Herrian izango da, Gararen arabera. ETAren desarmatzearekin sortutako egoera berria aztertu nahi du.
2011ko Aieteko Konferentziako testua sinatu ostean, urtebete geroago bere kabuz itzuli zen Aietera, prozesuaren blokeoari irtenbideak aurkitzeko asmoz euskal eragileekin bilera-erronda egitera. Egoera errepikatu egingo dela dirudi Madrilek desarmearen hasiera errefusatu badu ere.
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]