"Israelen independentzia ospatzeko" Reebokek egin nahi zituen zapatilen ekoizpena bertan behera

Ane Urkola Agirrezabala @irrikaz
2016ko maiatzaren 12a
Reebok nazioarteko enpresak bertan behera utzi du Israelen "Independentzia Eguna" –izen horrekin izendatu zuten israeldarrek– ospatzeko zapatilak egiteko asmoa.

"Reebokek ez du zerikusirik oinetakoarekin", adierazi dio konpainiak Intifada Elektronikoari e-mail bidez. "Oinetako hori egitearen ideia gure bezero baten ekimena izan zen. Ez dugu kanpaina horrekin bat egiten", azaldu du. 

Reebok Alemaniako Adidas taldearen menpe dago eta adierazi du Israelen duen banatzaileak baztertu egin duela ekimen hori. 

"Rebookek uko egin dio kanpaina iraingarri hori egiteari. Onartu egin du zapatilaren aurkako boikot kanpaina batek kalte egingo liokeela enpresaren ospeari eta finantza egoerari", adierazi du Abdulrahman Abunahel Palestinako BDS Nazioarteko Batzordeko Gazako koordinatzaileak. 

Abunahelen esanetan, Veolia, Orange, CRH eta beste hainbat enpresa handik utzi egin diote Israel nazioarteko zuzenbidean egiten ari den lege hausteak babesteari, jasan dituzten boikot kanpain, isun eta likidazioen ondorioz. "Horrek domino efektua eragin du, beste enpresa batzuek oso serio hartu dutena".

Garbiketa etnikoarekiko axolagabekeria

Reebok enpresaren asmoak haserre handia eragin du sare sozialetan. Erabiltzaile askok eskatu dute konpainiaren produktuen boikota eta palestinarren eskubideen alde borroka ari diren hainbat elkartek ere zabaldu dute albistea. 

Reeboken Israelgo ordezkaritzak The Jerusalem Post egunkariari adierazi zion zapatila horiek ospakizun moduan erabiltzeko asmoa zutela Israelen eta mundu guztian. 

Abunahelek salatu du zapatila hori ekoizteak argi uzten duela Palestina azken urteetan jasaten ari den garbiketa etnikoarekiko, giza eskubideen urraketekiko, eta Israeleko okupazioarekiko duten axolagabekeria eta gutxiespena. 

"Rebookek palestinarrak mindu ditu, 1948ko Nakbak iraun bitartean milizia sionistek etnikoki garbitu zituzten milaka errefuxiatu palestinarrak, batez ere. Israelgo apartheidak ukatu egin die etxera bueltatzeko eskubidea", adierazi du Abunahelek. 

"Palestinaren suntsipena onartzea –Reebokek egin duen moduan– konpainia batek egin dezakeen ekintzarik arduragabeena, immoralena eta bihozgabeena da", gehitu du Palestinako ekintzaileak. 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Israeli boikota

Israeli boikota kanaletik interesatuko zaizu...
Bertan behera geratu da Argentina eta Israelen arteko futbol partida

Larunbatean zen jokatzeko partida baina AFAk asteartean argitaratutako idatzian segurtasun arazoengatik ez zirela joango iragarri zuen.


2018-06-01 | Topatu.eus
Palestinaren alde, Israeli boikot egin diote Itsasuko supermerkatu batean Aitzinako gazteek

Israelen aurkako "Boikota. Desinbertsioa. Zigorra" kanpainarekin bat eginez, Itsasuko Intermarché supermerkatutik jatorri israeldarra duten produktuak atera dituzte ostegun goizean eginiko ekintza batean Aitzinako gazteek.


2018-05-31 | ARGIA
Euskal instituzioek Israelekin kolaboratzen dutela salatzeko mobilizazioak deitu dituzte Bilbon

Bizkaiko Foru Aldundiak sortzen ari den SOSA enpresa israeldarrarekin hitzarmena sinatu du, eta atzera botatzeko eskatu diote hainbat erakunde eta kolektibok.


2018-05-29 | ARGIA
Israel ekonomikoki zigortzeko eskatuz, 10 urtean hildako 4.500 palestinarrak irudikatu dituzte

Bruselan Europako Batzordearen aurreko plaza zapataz bete dute, atzerri ministroen bileraren aurretik. Pare bakoitzak Israelgo militarrek hildako palestinarrak sinbolizatzen ditu. Avaaz GKE-ren ekimena izan da eta sarean sinadurak biltzen ari dira.


2018-05-16 | Arabako Alea
Israeli boikota egitera deitu dute Gasteizen, Palestinaren aldeko elkarretaratzean

Israelek 62 palestinar hil dituela salatu dute, eta Nakba eguna gogoratu dute. 

 


Al Nakba

Amesgaizto batetik esnatzen gareneko itolarri sentsazioa bularraldean, irudika al dezake inork itolarri horrekin bizitzea, bizirautea. Irudika al dezake inork norbere herrian bertan deserriratzea, etxea utzi behar izan eta 70 urte luzez itzuli ezin izatea. Maiatzaren 15a Nakba edo hondamendiaren eguna da palestinarrentzat. Palestina ez da lokartzen, eta ez daude ametsetan, errealitate gordina dute parez pare eta begi bat ez, bi begi zabalik izanagatik ere makinaria sionistak kontrolatzen dizkie... [+]


Maccabi taldeari boikot egiteko deia luzatu du Gasteizko BDZ taldeak

Tel Aviveko Maccabi saski-baloi talde israeldarrak Baskoniaren aurkako partidua jokatuko du Gasteizen martxoaren 29an. Gasteizko BDZ taldeak (Israelen aurkako Boikot, Desinbertsioak eta Zigorrak) Maccabi taldeari boikot egitera deitu du.


2017-06-27 | ARGIA
Mayumanaren Donostiako kontzertuari boikota egiteko deia zabaldu dute, Palestinarekin elkartasunez

Larunbatean kontzertua ematekoa da Mayumana talde israeldarra Donostiako Kursaalean. Beste leku askotan gertatu bezala, boikot deia egin dute Palestinarekin elkartasun taldeek, eta 18:30ean elkarretaratzera deitu dute Kursaalean.


2017-06-13 | Axier Lopez
Jerusalem, pertsona guztientzako hiria?

Arrazakeria errazagoa da ikusten txiste batean estatu egitura oso batek pentsatu, diseinatu eta inposatu duen legedi batean baino. Horren adibiderik garbienetako bat Palestinako hiriburu okupatuan daukagu. Jerusalemgo udal gobernuak 2020. urteari begira aurkeztu duen planak aukera paregabea eman digu Israelen instituzionalizatutako arrazakeria erakusteko eta salatzeko.


Azkenak
EGILEA
Eguneraketa berriak daude