Inauterien itxura faltsua eman dela salatu dute Ituren eta Zubietako udalek

  • Nahiz eta ospakizunen antolaketan parte ez hartu, beraien eskumenen barrenean animalien babesari buruz indarrean dagoen araudia betetzea zainduko dutela adierazi dute.

Erran .eus @erran_eus
2017ko otsailaren 27a

Nafarroako Gobernuko 34/2009 Foru Dekretuak deklaratu zituen Iturengo eta Zubietako inauteriak interes kulturaleko ondasun inmateriala. Ondoren, Vianako Printzea Erakundea-Kultura eta Turismoko kontseilariaren 21/2011 Foru Aginduak, martxoaren 3koa, adierazi zuen Nafarroako Interes Turistikoko Festa direla. Aurtengo inauterietako portaera bakan batzuk piztu duten erantzun eta erreklamazioen aurrean, Iturengo eta Zubietako Udalek prentsa-oharra karrikaratu dute. Nahiz eta ez duten ospakizunaren antolakuntzan eta finantzaketan parte hartzen, «beraien eskumenen barrenean animalien babesari buruz indarrean dagoen araudia betetzea zainduko dutela adierazi dute» eta aldi berean, «irudien erabilera interesatu eta manipulatuarekin, inauterien itxura faltsua» eman dela salatu dute.

Mari Jose Bereau eta Ernesto Dominguez, Ituren eta Zubietako alkateek sinatutako idatziak dioenez, «Inauteria da kultur espresio herrikoi bat eta bi dira haren benetazko protagonistak: joaldunak eta mozorroak. Iturengo eta Zubietako Udalek ez dute ospakizunaren antolakuntzan nahiz finantzaketan parte hartzen».

Oharrak dioenez, «animalia hilak erakustea ez dago jaiaren ondare-kulturalaren baitan eta Udalak erabilera horren aurka daude. Gainera, konpromisoa hartzen dute animalien babesari buruz indarrean dagoen araudiaren betetzea zaintzeko; betiere, bere eskumenen esparruan eta esku dauzkaten baliabideekin».

Aldi berean, Ituren eta Zubietako Udalek ez dute onartzen «zenbait pertsona zein talde animalistak sare sozialetan eta agirietan egin duten irudien erabilera interesatu eta manipulatua —aurreko urteetako eta beste herrietako jaietako argazkiak sartuz—, itxura faltsu hau ematea helburu: ospakizunaren muina osatzen duela hilotz, odol eta erraien akelarre batek».

Bi herri hauetako bizilagunei zuzenduta, sare sozialetan argitaratu eta Udaletxetara bidalitako gorroto adierazpen, irain eta mehatsu guztiak gaitzetsi dituzte Ituren eta Zubietako Udalek eta haien aurka, bidezko lege-ekintzak abiaraztea aztertzen ari dira.

Albiste hau erran.eus-ek argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Animalien eskubideak  |  Inauteriak  |  Ituren  |  Zubieta

Animalien eskubideak kanaletik interesatuko zaizu...
2018-05-13 | Gaizka Izagirre
Gurean
Dokumentalen indarra, animalien egoera salatzeko

Asko dira azken urteetan munduko animalien egoera latza salatu nahi izan duten dokumentalak: Earthlings, Cowspiracy, The Cove, BlackFish, Meet Your Meat, The Elephant in the Living Room... Denak ere intentzio batekin sortuak: ikus-entzunezkoen bidez ikusleari erakustea, jateko, janzteko dibertitzeko edo esperimentatzeko esplotatuak izaten diren bizidunen bizitza tamalgarri eta penagarria. Lan horiek guztiek nazioarteko animalia askoren egoera salatzen dute; baina gurean ere bada lan bat... [+]


2018-05-09 | Miren Osa Galdona
Guggenheimen bizirik dauden animaliak erabili nahi dituen erakusketa salatu dute

Ostiralean protesta egingo du  BBAA Antiespezista talde animalistak. Egun berean, erakusketa berri bat zabaltzekoa da museoa, eta ikasleek salatu dutenez, bizirik dauden animaliak jarriko dituzte obra moduan.


Ehiztariak eta animalien eskubideen aldekoak kalera aterako dira igandean

Espainiako Estatuko ehiza federaziek manifestazioa deitu dute Estatuko 50 hiritan domekarako, ehiza “bizimodu” gisa defendatzeko. Hego Euskal herriko ehiza elkarteek bat egin dute deialdiarekin eta manifestazioak antolatu dituzte domekan Donostian eta Bilbon. Honi erantzunez, Askekintza talde antiespezistak animalien bizitzeko eskubidea aldarrikatzeko manifestaziora deitu du igande arratsaldean Donostian.


Zizur Nagusian herri galdeketa bidez erabaki dute bigantxak jaietan ez erabiltzea

Herri-galdeketa izan dute asteburuan Nafarroako Zizur Nagusian bigantxak festetan izan nahi ote dituzten jakiteko. 2.219 lagunek eman dute botoa; 1.135 herritarrek ezezko botoa eman dute. 


2018-02-27 | ARGIA
Euskal Herriko festa animaliadunen inguruko dokumentalaren trailerra kaleratu du Askekintzak

Lau urteko lanaren ondorio da “Gurean” dokumentala. Askekintzako hainbat aktibistek Euskal Herriko festetako irudiak grabatu dituzte, herrietako jaietan animalien erabilera salatzeko. “Gurean” martxoaren 23an estreinatuko dute Donostiako Trueba zineman. Trailerra kaleratu dute, aperitibo gisa:


Ehiza eta nekazaritza industrialaren eragina
Borneoko orangutanen erdiak azken 16 urteetan hil dira

The New York Times-ek jaso duenez, Asiako hego-ekialdeko Borneo irlan 150.000 orangutan inguru desagertu dira 1999 eta 2015 artean, lehenago zeudenen erdia.


Bere burua atxilotzen duen animalia bakarra

Garapenaren izenean, munduko espezie guztiak, salbuespenik gabe, menpeko hartu eta merkantzia bilakatu ditugu. Jaten ditugu, janzten ditugu, gozamen  pertsonalerako ehizatu ala giltzapetzen ditugu, zientziaren izenean barrabaskeriak egiten dizkiegu, gure hutsune emozionalak betetzeko bere ingurunetik erauzi eta gure bizimodura behartzen ditugu… Gizakiok naturatik etekina ateratzea (elikadura, eraikuntza, medikamentuak, lanabesak, energia…) zilegia eta ezinbestekoa da, baina... [+]


2018-01-23 | Sustatu
Beste 1.800 animalia espezie desagertzeko arriskuan

Naturaren Kontserbaziorako Nazioarteko Erakundeak (UICN) arriskupean dauden animalia eta landare espezieen zerrenda argitaratzen du urtero. Azken urtean beste 1.800 espezie gehitu dituzte "arriskupean" kategoria horretara eta dagoeneko 25.800 espezie dira betiko desagertzeko dauden animalia eta landareak.


2018-01-11 | Arabako Alea
Legealdi honetan ez da zezenketarik egingo Gasteizen

Bigantxak egiteko aukera zabalik utzi du udal gobernuak; baldintza agiria egingo duela iragarri du Kultura zinegotzi Estibaliz Cantok.


2017-12-21 | ARGIA
"San Tomas eguneko animalien sarraskia" salatu du Askekintzak Donostian txerriaren kaiola blokatuz

Donostiako Plaza Berrian Askekintzako hamabi kide Ursula txerria sartu duten kaiola blokatzen aritu dira desobedientzia zibilez, goizean goiz joan eta bertan sartuta. 30 minutuz izan dira bertan eta erresistentzia pasiboko jarrera hartu dutenez, Udaltzaingoak arrastaka atera behar izan ditu.


Eguneraketa berriak daude