Hiru emakume ijito hil dituzte Italian, auto barruan erreta
Segurtasun kamerek gertatutakoa grabatu dute: Erromako familia ijito bat auto batean lo egiten zegoela, bizilagun batek lehergailu bat jaurti du autora eta barruan zeuden hiru neska hil dira. Arrazakeriaren aurkako neurri eraginkorrak hartzeko eskatu die Ijitoen Batasunak Europako agintariei.
Ctxt astekariak jaso duenez, eraso arrazista izan da. Familiak errumaniar jatorria du, hamaika anaia-arreba dira, eta horietako hiru hil dituzte: batek lau urte zituen, beste batek zortzi eta besteak hogei. Gurasoek autotik ihes egitea lortu dute.
Ijitoen Batasunak adierazi du lanean ari direla gertakariak argitzeko eta atentatuaren egilea eta honelako erasoak bultzatzen dituzten pertsonak atxilotzeko. “Italiako gizarteak eta autoritateek atentatua gaitzetsi dutela dakigu, eta eskertzen dugu, baina gehiago behar dugu. Argi utzi behar dugu arrazakeriak ez dutela tokirik gure gizartean”, adierazi dute. Arrazakeriaren aurkako neurriak hartzeko eskatu diete autoritateei.
Arrazakeriaren aurkako manifestazio antolatu dute Erroman eta parte hartzera deitu dituzte herritar guztiak.
Asmatuz gero, ziur asko, eraginkorragoa da keinu bat, hitz bat baino. Zenbat bider esan eta ezeztatu dugu mila hitzek irudi batek baino gehiago balio dutela. Barkatu, alderantziz da. Ez da bakoitzak zenbat balio duen, da zertarako. Zerbait ulertzen burua bihurritu nahi... [+]
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Apirilaren 18an, Mbolo Moye Doole elkarteak elkarretaratzea deitu zuen, Bilboko manteroen aurkako arrazakeria eta indarkeria poliziala salatzeko.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]