Herrirak "oso garrantzitsutzat" jo du Europako Talde Popularrarekin bildu izana
Herrira mugimendua Europako hainbat parlamentarirekin bildu da azken egunotan Bruselan, euskal preso politikoen egoeraren berri eman eta informazioa trukatzeko asmoz, Berriak argitaratu duenez. Gaur izango dute azkeneko bilera. Astelehenean egingo dute bilera sortaren balorazioa, baina aurreratu dute “oso esperientzia positiboa” izaten ari dela.
Bileretako batean, Europako Talde Popularreko Csaba Sogor europarlamentari errumaniarrarekin elkartu ziren. Herrirako kideek oso garrantzitsutzat jo zuten bilera hori, kontuan hartuta Espainiako PP alderdia Europako Talde Popularreko partaide dela.
Popularrez gain, Talde Sozialistako kideekin ere bildu dira. Besteak beste, Irlandako Alderdi Sozialistako Emer Costello parlamentariarekin eta Sinn Féin alderdiko Martina Andersonekin izan dira. Azken horrek 13 urte igaro zituen kartzelan IRAko kide izategatik, europarlamentari izatera iritsi aurretik.
Bestalde, Europako Talde Liberaleko kideekin ere izan dute hitzordua. Nils Torvalds finlandiarra, Annemie Neyts-Uyttebroeck belgikarra eta Tatjana Zdanoka Letoniarra izan dira horietariko batzuk.
Human Rights Without Frontiers (HRWF) Europako gobernuz kanpoko erakundearekin ere bildu dira. Gaur, azkenik, Europako parlamentuaz gain Flandriakoa ere bisitatuko dute.
Herria mugimenduak urte hasieran “bi inflexio-puntu” zehaztu zituen, “gure helburuak lortzera bidean aurrerapen garrantzitsua suposatuko duten momentuak” alegia. Horietako bat euskal preso politikoen egoera hobetzeko aldarrikapena Bruselara eramatea da. Bigarrena maiatzaren 18an egingo dute Euskal Herrian, modu deszentralizatuagoan.
Donostiako zazpi herritarrek orotara 2.800 euroko isuna jaso dute, iazko irailaren 15ean –estropada eguna– Kontxan 47ak Herrian zioen pankarta jartzeagatik. Zazpi laguni, bakoitzari 400 euroko isuna jarri die Donostiako Udalak. Egun berean, Alde Zaharrean 30 urtez... [+]
Standing up for EPPK (Basque Political Prisoners Collective) prisoners is a greater risk in the 21st century than it was in the worst times of the Franco regime, as is political activism in their favour, being concerned about their rights, or helping their relatives financially... [+]
Espainiako Auzitegi Nazionalak igorritako euroaginduari ezetz esan dio Paueko Auzitegiak, eta horrenbestez ez dute Emilie Martin Bagoaz taldeko bozeramailea Espainiaratuko. Gainera, militante abertzaleari ezarritako kontrol judiziala kentzea ere deliberatu dute epaileek. Hala,... [+]
Gutun mota asko iristen zaizkit. Horien artetik aprezio berezia diet politikoki nigandik urrun xamar egon daitezkeen lagunek idatzitakoak direnei, euskaldunok espetxearen inguru-marian antolatu antzera duzun zirkulutik kanpokoa denean, non hasi bai baina non bukatzen den argi ez... [+]