Hamabost udalerri eta bederatzi eskola publiko ditu Sakanak. Sortzen Elkartearen baitan dauden herri eskolak dira eta eskola eta herria, biak bat eginik, “hori da Sortzen Elkartearentzat nahi eta amesten dugun Hezkuntza Sistemaren oinarria: herriaren beharrei erantzungo dien eskola eta, aldi berean, herria eraldatzen, jendarte justuago bat lortzen, lagunduko duen eskola”. Apirilaren 21ean ospatuko dute Sakana Herri Eskolekin Sortzen Jaia, Etxarrin.
“Ekin Gurekin” da Etxarriko San Donato ikastetxeak aurtengo jairako hautatu duen leloa. “Elkarlanerako dei bat da, elkartu eta eragin”. Festa duela hamar urte jaio zen, “herriak duen eskola euskaldun eta publikoa ezagutaraztea eta maitatzea” helburu. “Garai hartan Etxarriko herri eskola gutxietsia zegoen eta argitasuna bilatu nahian, beste gauza batzuen artean, festa hau antolatu genuen. Aurten berriz ere beste egoera batetik abiatuz, lekukoa hartu dugu eta guraso eta komunitatearen elkarlanarekin kemen, ahalegin eta ilusioz jai ederra prestatu dugu”, azaldu du San Donatoko zuzendaritza taldeak. “Gaur egun –gehitu dute–, San Donato euskalduna, publikoa, inklusiboa, berritzailea eta bere ikasleen ongizatearekin konpromisoa duen herri eskola da”.
Egitaraua helbide honetan irakur dezakezu osorik.
Leringo hainbat gurasok herriko eskola publikoan D lerroa irekitzeko eskatu zuten iaz, baina nahiz eta legeak markatutako gutxiengo eskari kopurua gainditu, gurasoek ez dute aukera hori izango, Nafarroako Gobernuaren iritziz “Leringo eskolak ez duelako espaziorik D eredua... [+]
Nafarroako D ereduko ikastetxe publikoetan azpikontrataturiko zenbait zerbitzutan ez da euskara eskatzen, eta ondorioz, haurrekin zuzenean ari diren langile batzuek ez dakite euskaraz, adibidez autobusetako zaintzaileen artean. Hala salatu dute Behatokiak, Sortzen elkarteak eta... [+]
Sortzen elkarteak Iruñeko urteroko festari eutsi zion atzo Takonera parkean, baina eguraldia dela eta ekitalde ugari bertan behera utzi behar izan zituen, batez ere goizaldean eta eguerdian. Goizean, hala ere, Hodei magoaz gozatu zuten gazte eta helduek eta arratsaldean... [+]
Takonerako lorategien inguruan egingo da festa etzi, maiatzaren 19an. Bi gune hartuko ditu: Vista Bella eta Bosquecillo kalea. Aurtengo leloa da Euskaratik guztion eskola sortzen eta, zentzu horretan, euskarak bustiko du jai eguna. Ondorengo lerroetan egunean zehar bertan izango... [+]