Herri harresia altxa dute langileek Inasako makinaria eraman ez dezaten Irurtzunen
Inasako langile ohiek eta Sakanako bizilagunek herri harresia antolatu dute makinaria enpresatik eraman ez dezaten saiatzeko. LABek eta langileen asanbladak azaldu dutenez, garai bateko Reynolds berriro ere irekitzeko aukera bakarra tresnak bertan geratzea da, eta horretarako, ezinbestekoa da herritarrak harresian mantentzea.
Makinaria erosi nahi duen Bridgnorth Aluminium Limited enpresako ordezkariak pabilioi barruan eduki dituzte atera ezinik. Guardia Zibilaren hiru unitate gerturatu dira, eta harresiko antolatzaileek jakinarazi diete makinak, eta ez ordezkariak, atxiki nahi dituztela. Autoan gailu elektronikorik eraman ez dutela konprobatzerakoan, istilurik sortu gabe atera dira.
Langile batzuk kanpoaldean geratu dira lotan, eta alarmak piztuz gero, herriari gerturatzeko deia egingo diote, makinak eraman ez ditzaten.
Sakanan LABeko idazkari Gaizka Uhartek esan duenez “salmenta oztopatzeko bideak daude”. Izan ere, sindikatuek azpimarratu dute Inasa erosi nahi duten inbertitzaileak egongo liratekeela. Beste norbaitek lantegia erosi nahiko balu, enpleguaren araberako irizpideak lehenetsiko dituzte, administratzaileek sindikatuei esan dietenaren arabera. LABen ustez, “hurrengo 48 orduak erabakigarriak izango dira”.
Guardia Zibila 7:30etan sartu da Irurtzunen dagoen Inasa lantegian makinak eramateko. Fabrika hustea dute helburu, langileen borondatearen kontra.
Irurtzungo Inasako langileek euren lanpostuak mantentzeko esperantza dute, inbertitzaile batek interesa agertu baitu. Enpresaren jabeak oztopoak jarri ditu eta lantegia desegiten ari da. Makinaria bertatik ateratzea eragozteko mobilizatu dira langileak.
Asteburu gogorra izan dute Irurtzunen, eta ez euria egin duelako. Ostiralean Inasa aurrean langileak prentsaurrekoa ematen ari zirela, Bridgnorth Aluminium enpresako ordezkariak lantegian sartu ziren, Internetez erosi dituzten euren produktuak ikuskatzeko eta makinariaren... [+]
Urko Apaolaza (@urkoapaolaza) Argiako kazetariak Sakanatik jarraitu du goiza. Bideoan, Garikoitz Uharte Sakanako LABeko kideak eskualdeko grebaren balorazioa egin du eguerdian: "Kontuan izan behar da Sakanan bi hilabetean egiten den bigarren Greba Orokorra dela gaurkoa... [+]