Fernandez Diaz "pertsona non grata" izendatzeko eskatuko du Asiron Iruñeko alkateak
"Bada Gerra Zibila 40 urte, edo ez dakit zenbat urte, geroago irabazi nahi duenik, 1939an bukatu zen arren", esan zuen Espainiako Barne ministroak; "oso larria" da hori, Asironen aburuz.
Atzo, Molaren eta Sanjurjoren gorpuzkiak hobitik ateratzeari buruz galdetu zioten kazetariek Espainiako Barne ministro Jorge Fernández Díazi, eta ahoan bilorik gabe mintzatu zen. Honakoa hau esan zuen: "Bada Gerra Zibila 40 urte, edo ez dakit zenbat urte, geroago irabazi nahi duenik, 1939an bukatu zen arren".
Adierazpen horien kontra irmo egin du Iruñeko alkate Joseba Asironek: "2016. urtean gaude, eta, altura hauetan, hitz egitea Iruñea bezalako hiri batean, non asko sufritu zen garai horretan, galtzaile eta irabazleei buruz, oso larria iruditzen zait"
Bestalde, Nafarroan gertatzen dena nafarrek erabaki behar dutela defendatu du, eta "Madrilera bueltatzeko" iradoki dio Fernandez Diazi.
Amaitzeko, gobernukideei ministroaren esanen gaitzespena eta "pertsona non grata" izendatzeko eskatuko diela jakinarazi du.
(Albiste hau Euskalerria Irratian argitaratu da eta duen CC lizentzia baliatuta ekarri dugu ARGIAra)
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]