Iruñerriko IKA euskaltegiek Milaka Argi Nafarroan kanpaina abiatu dute berriro, lehen horiz eta orain berdez, euskarari kolorea eman beharra aldarrikatuz. Joan den urteko otsailean ekin zioten estreinakoz, Nafarroa Garaiko euskaldunen sarea zabala dela adierazteko batetik, eta Iruñerriko IKAren euskaltegiak diruz laguntzeko bestetik.
Nafarroako Euskararen Legeak eremu euskalduntzat hartzen duen horretatik kanpo bizi diren nafarrei euskara ikasteko eta erabiltzeko eskubidea ukatu zaien arren, euskaldunak eta euskaltzaleak Nafarroa osoan daude, eta horien denen ahalegina mapan paratzen ari dira IKAkoak.
Euskalduntze alfabetatze sareak laguntza eskasa du garaiotan, eta zer esanik ez, azken urteetan. Kanpaina honen lehen itzulian adierazi zutenez, 2012ko urriaz geroztik euro bakar bat ere ez dute jaso instituzioetatik. Kanpaina honek Iruñerriko euskaltegiak lagundu nahi ditu diruz. Hots, Nafarroa Garaiko populazioaren erdia bizi den eremua. Betiere, helduak euskalduntzen jarraitu ahal izateko.
Iazko kanpainan 30.000 euro inguru bildu ziren. Nafarroa Garaiko biztanleek ez ezik, edonork egin lezake ekarpena: www.milaka-argi.com. Diru-laguntza bakoitzak argitxoa piztuko du mapan.
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.