Errefuxiatuen etorrerari aurre egiteko beste akordio bat sinatu dute Europar Batasunak (EB) eta Turkiako presidente Recep Tayyip Erdoganek. Akordioak Greziako kostaldera iritsitako errefuxiatuak zuzenean Turkiara bidaltzeko eskumena emango dio EBri. Turkiak, horren trukean, asilo politikoa jaso duten iheslari kopuru bera bidaliko dio Europari.
Akordioaren puntu nagusiak ondorengoak dira: Turkiarentzako 3.000 milioiko diru-laguntza bikoiztea, Europatik bidaiatzeko turkiarrek bisaren beharrik ez izatea, eta Turkia EBra batzeko prozesua erraztea.
Europak konponbide azkarra topatu nahi izan dio ezintasunez kudeatzen ari den arazo honi. Zuzeneko kanporaketak baimentzeaz gain, itunak erantzukizun osoa utzi du giza eskubideak urratzen dituen estatu baten gainean.
Akordio horren bitartez, errefuxiatuak eramango dituzte gatazka militarra piztuta duen herrialde batera. Turkiak, batetik, kurduen aurkako gerra abiatu du eta, bestetik, Siriako milizia errebeldeak armatzen ari da; herrialde horretako gatazka odoltsuan parte-hartze zuzena du, hortaz
Estatu demokratikoen eredutik abiadura handian urruntzen ari da Turkia (kazetaritza eta sare sozialen zentsura, biztanleria kurduaren kriminalizazio eta jazarpena, giza eskubideen urraketa...). Baina, paradoxikoki, inoiz baino hurbilago du Turkiak EBra batzeko aukera. Trukerako txanpon baliotsu bilakatu dira Europara iristen ari diren errefuxiatuak.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]